26.06.2026 | 19:10
Դրոշներ՝ բոլոր համայնքների մուտքերի մոտ․ ՔՊ-ականների նախագիծն ընդգրկվել է ԱԺ արտահերթ նիստի օրակարգում
Սիգ են վաճառում, կողքը պարեկը սուրճ է խմում․ ինչո՞ւ չեն կանխում փողոցային առևտուրը․ Իզաբելլա Աբգարյան. ՏԵՍԱՆՅՈՒԹ
Քաղաքականություն
08.07.2024 | 20:00
Երևանի բյուջեից որպես պարգևավճար 2023 թվականի հոկտեմբերից մինչև 2024-ի հունիս Երևանի քաղաքապետարանի և 12 վարչական շրջանների աշխատակազմերի աշխատակիցներին վճարվել է 1 մլրդ 182 մլն 150 հազար դրամ, իսկ ՀՈԱԿ-ներին և ՓԲԸ-ներին՝ 1 մլրդ 285 մլն 675 հազար դրամ։ Այս մասին Factor TV-ին տված հարցազրույցում նշեց Երևանի ավագանու «Ազգային առաջընթաց» խմբակցության քարտուղար Իզաբելլա Աբգարյանը։
Ավագանու ընդդիմադիր անդամի կարծիքով՝ սա լուրջ խնդիր է։
«Երևանն օրուգիշեր ասում է, որ փող չունենք, եթե այսպես լինի, տարեկան 3 միլիարդ դրամ կհատկացվի պարգևավճարային ֆոնդին, արդյո՞ք մենք ունենք այդ հնարավորությունը․ ամեն մարդ պիտի ոտքերն իր վերմակի չափով մեկնի, կարծում եմ՝ Երևանի համար աննորմալ է նման պարգևավճարային ֆոնդ ունենալ»,- ընդգծեց Աբգարյանը։
Ավագանու անդամն անդրադարձավ ավագանու աշխատանքին, քաղաքային մի շարք խնդիրների։ Հարց բարձրացրեց՝ ինչո՞ւ պարեկային աշխատողները չեն կանխում փողոցային առևտուրն ու փողոցային երաժշտությունը, նաև ընդգծեց՝ քաղաքային իշխանությունն առաջնային հարցերը չի տարանջատում երկրորդայինից։
Հարցազրույցն ամբողջությամբ՝ տեսանյութում։
Արփի Հակոբյան
