05.04.2026 | 18:25
Ավտոմեքենա է այրվել
Բայրամովը հայտարարել է, թե ՀՀ Սահմանադրությունում դեռ տարածքային պահանջներ կան Ադրբեջանի նկատմամբ
Քաղաքականություն
08.07.2024 | 12:36
Մեր երկրի ինքնիշխանությանը սպառնացող վտանգների վերացումն առաջնահերթ խնդիր է: Այս մասին հայտարարել է Ադրբեջանի ԱԳ նախարար Ջեյհուն Բայրամովը։
Ադրբեջանական լրատվամիջոցների հետ զրույցում նա նաև խոսել է Հայաստանի հետ հարաբերությունների կարգավորման գործընթացի ներկա իրավիճակի մասին։
«Հասարակությունը պարբերաբար տեղեկացվում է Հայաստանի հետ խաղաղության օրակարգի առաջնահերթությունների մասին։ 2021 թվականի հունվարին նախագահ Իլհամ Ալիևը բացեիբաց առաջարկել է Հայաստանին խաղաղության օրակարգ։ Խաղաղության պայմանագրի քննարկման հետ կապված բաց հարցերի թիվը զգալիորեն նվազել է։ Ցավոք, Հայաստանի Սահմանադրությունում դեռ տարածքային պահանջներ կան Ադրբեջանի նկատմամբ։ Ամբողջական խաղաղության հասնելու համար այդ գործոնը պետք է վերացվի»,- հայտարարել է Բայրամովը։
