22.02.2026 | 17:28
Խոսակցություններ են տարածվում, որ մարտի 1-ից սկսած կանխիկ վճարումն ընդհանրապես արգելվելու է․ Բաբկեն Թունյանը պարզաբանում է
Կիև և Մոսկվա այցերից հետո Օրբանը ժամանել է Պեկին
Քաղաքականություն
08.07.2024 | 11:17
Հունգարիայի վարչապետ Վիկտոր Օրբանը ժամանել է Պեկին՝ Չինաստանի ղեկավար Սի Ցզինպինինի հետ բանակցությունների։ «Խաղաղության առաքելություն 3.0»,-գրել է Օրբանը X-ի իր միկրոբլոգում՝ լուսանկար հրապարակելով իր ժամանումից։
Ավելի ուշ նա լուսանկար է հրապարակել Սի Ցզինպինի հետ հանդիպումից հետևյալ գրառմամբ․
«Չինաստանը առանցքային ուժ է Ռուսաստանի և Ուկրաինաիայի պատերազմում խաղաղության պայմաններ ստեղծելու գործում։ Ահա թե ինչու ես եկել եմ հանդիպելու նախագահ Սիի հետ Պեկինում՝ Բուդապեշտ կատարած նրա պաշտոնական այցից ընդամենը երկու ամիս անց»,-նշել է Հունգարիայի վարչապետը։
Նշենք, որ անցյալ շաբաթ Օրբանը Մոսկվայում հանդիպել էր ՌԴ նախագահ Վլադիմիր Պուտինի հետ, իսկ մինչ այդ Կիևում բանակցություններ էր անցկացրել Ուկրաինայի նախագահ Վլադիմիր Զելենսկիի հետ։
