02.10.2026 | 20:00
ՔՆՆԱՐԿՈւՄ. Ռուսական, գազի թանկացումը կբերի՞ էներգետիկ ճգնաժամի, ՀՀ-ն ի՞նչ հակաքայլեր ունի․ ՏԵՍԱՆՅՈՒԹ
Սև ու սպիտակ նիվաներից անհասկանալի երաժշտություն ու բարձր ազդանշան Երևանում չպետք է հնչի. Վահագն Հայրապետյան. ՏԵՍԱՆՅՈՒԹ
Հաղորդաշարեր
06.07.2024 | 19:02
«Շրջիկ երաժիշտներ կարող են լինել Երևանի փողոցներում, դա ամոթ չէ, ամոթ է, երբ նրանք վատ են նվագում: Ես Երևանի քաղաքապետարանին շատ առաջարկներ եմ արել այն մասին, թե որ ժամերին նրանք կարող են նվագել կամ դեցիբելային ինչ չափանիշների պետք է համապատասխանի նրանց երաժշտությունը: Քաղաքապետարանն անգամ կարող է կազմակերպել շրջիկ երաժիշտների մրցույթ, և լավագույններին վարձատրել»,- Factor TV-ի հետ զրույցում տեսակետ է հայտնում ջազ երաժիշտ, կոմպոզիտոր Վահագն Հայրապետյանը:
Նա նշում է, որ երևանյան խնդիրներից մեկն էլ մեքենաներից հնչող բարձր երաժշտությունն է, և այդ հարցը ևս պետք է, ըստ Հայրապետյանի, կարգավորվի օրենքով. «Սև ու սպիտակ նիվաներից անհասկանալի երաժշտություն ու բարձր ազդանշան Երևանում չպետք է հնչեն: Ոմանք իրենց մեքենայից թանկ գումար են վճարում, որպեսզի բարձր ազդանշան ունենան: Առանց այդ էլ` մեր քաղաքում աղմուկը շատ է»:
Վահագն Հայրապետյանը խոսում է նաև մեր երկրում ձևավորված ատելության մթնոլորտի մասին` կարծիք հայտնելով, որ դա միշտ է առկա եղել մեր ժողովրդի շրջանում, պարզապես հիմա է ջրի երես դուրս եկել. «Անհանդուրժող ենք իրար, դրսից եկած հյուրի, այլ կարծիքի հանդեպ, այսպես հեռուն չենք գնա»:
Մանրամասները`տեսանյութում:
Աննա Բաբաջանյան
