07.10.2026 | 19:12
Թուրքական նավերի վրա հարձակումներից հետո Էրդողանը Պուտինի հետ Սև ծովում անվտանգության հարցն է քննարկել
Իրանում ընթանում է նախագահական ընտրությունների երկրորդ փուլը
Քաղաքականություն
05.07.2024 | 11:44
Իրանում մեկնարկել է նախագահական ընտրությունների երկրորդ փուլը։ Mehr գործակալության փոխանցմամբ՝ ուրբաթ առավոտյան երկրի ողջ տարածքում բացվել են ընտրատեղամասերը։ Քվեարկությունը սկսվել է տեղի ժամանակով ժամը 8:00-ին։ Այն կշարունակվի մինչև երեկո, և անհրաժեշտության դեպքում ներքին գործերի նախարարն իրավասու է երկարաձգել քվեարկության ժամանակը։
Նախագահական ընտրությունների երկրորդ փուլում պայքարում են առողջապահության նախկին նախարար, ավագ օրենսդիր Մասուդ Պեզեշկիանը և միջուկային ծրագրի նախկին բանակցող, անվտանգության բարձրագույն մարմնի ղեկավար Սաիդ Ջալիլին։ Առաջին փուլը տեղի էր ունեցել հունիսի 28-ին։
Երկրի ներսում և արտերկրում ընտրություններին կարող է մասնակցել քվեարկելու իրավունք ունեցող ավելի քան 61 մլն իրանցի։ Նշվում է, որ քվեարկությունը սկսվելուն պես Իսլամական Իրանի Գերագույն հոգևոր առաջնորդ Սեյյեդ Ալի Խամենեին Թեհրանի ընտրատեղամասում կատարել էիր ընտրությունը։
Հիշեցնենք, որ արտահերթ ընտրություններն անցկացվում են Իրանի նախկին նախագահ Էբրահիմ Ռաիսիի մահվանից հետո։ Նրա ուղղաթիռը 2024 թ-ի մայիսի 19-ին կործանվել էր։
