07.07.2024 | 15:09
Կանանց ազգային հավաքականը նախապատրաստվում է խմբային փուլի վերջին խաղերին
Պուտինը հայտարարել է, թե «Էրդողանի քաղաքական կամքն է օգնում ՌԴ-ի և Թուրքիայի հարաբերություններին»
Քաղաքականություն
04.07.2024 | 22:28
ՌԴ նախագահ Վլադիմիր Պուտինն Աստանայում Շանհայի համագործակցության կազմակերպության գագաթնաժողովից հետո լրագրողներին ասել է, որ հայտնի է, թե ով է խոչընդոտում Ռուսաստանի և Թուրքիայի միջև հարաբերությունների զարգացմանը, գրում է News.ru-ն։
Նա, միաժամանակ, նշել է, որ այդ հարաբերություններին օգնում է Թուրքիայի նախագահ Ռեջեփ Թայիփ Էրդողանի քաղաքական կամքը։
«Հայտնի է, թե ով է մեզ խանգարում։ Ինչն է մեզ օգնում՝ դա նախագահ Էրդողանի քաղաքական կամքն է։ Իսկ տեխնիկական առումով սրանք հաշվարկներ են, բոլորին քաջ հայտնի է»,- ասել է ՌԴ նախագահը։
Պուտինը նաև հայտարարել է, որ Մոսկվան լրջորեն է վերաբերվում Սպիտակ տան նախկին ղեկավար Դոնալդ Թրամփի՝ Ուկրաինայում հակամարտությունը դադարեցնելու հնարավորության մասին հայտարարություններին։
Հավելենք, որ նախօրեին Աստանայում Պուտինը երկկողմ հանդիպում է անցկացրել Էրդողանի հետ։
