09.09.2026 | 18:30
Թմրանյութ կուլ տալով փախե՞լ է, թե՞ խոշտանգվել․ փաստաբանի ահազանգի հետքերով․ ՏԵՍԱՆՅՈւԹ
Ադրբեջանում հատուկ տակտիկական զորավարժություններ են անցկացվում
Քաղաքականություն
04.07.2024 | 18:32
Ադրբեջանի զինված ուժերում ընթացիկ տարվա նախապատրաստական պլանի համաձայն՝ բանակի տարբեր տիպի զորքերի անձնակազմի հետ մարտավարական և հատուկ վարժանքներ են անցկացվում՝ մարտական աջակցության միջոցների հնարավորությունները գնահատելու, փոխգործակցությունը կազմակերպելու և տեղանքային բարդ պայմաններում համատեղ գործողությունները բարելավելու նպատակով։
Նշվում է, որ Ադրբեջանի ՊՆ ղեկավարությունն այցելել է զորամասերի հրամանատարական կետեր՝ վերահսկելու զորավարժությունների ընթացքը։
Պաշտպանության նախարար Զաքիր Հասանովին զեկուցվել է, որ ժամանակակից կառավարման համակարգերի և բարձր տեխնոլոգիաների կիրառմամբ անցկացվող զորավարժությունների ընթացքում զինծառայողները պրոֆեսիոնալ կերպով կատարում են իրենց առջև դրված խնդիրները։
Զորավարժությունների ընթացքում հիմնական ուշադրությունը դարձվում է հրամանատարական հսկողության կազմակերպմանը, որոշումների կայացմանը և հրամանատարների գործնական հմտությունների կատարելագործմանը։
