24.11.2024 | 21:56
Միակն ու անկրկնելին. ՀՀ-ում Ֆրանսիայի դեսպանի արձագանքը՝ Ադրբեջանի տարածքային պահանջներին
Օգոստոսի 1-ից վարժական հավաքներ են սկսվում․ ՊՆ
04.07.2024 | 10:28
Պաշտպանության նախարարությունը 2024 թվականի օգոստոսի 1-ից մինչև հոկտեմբերի 25-ը ներառյալ վարժական հավաքներ է անցկացնելու։ Պաշտպանական գերատեսչությունը նախագիծը ներկայացրել է կառավարություն։
Վարժական հավաքների մասնակիցներից յուրաքանչյուրը ներգրավվում է ոչ ավելի, քան 25 օրացուցային օր ժամկետով։
ՊՆ-ի փոխանցմամբ՝ վարժական հավաքների անցկացման նպատակն է պահեստազորում ունենալ առավել պատրաստված պահեստազորայիններ, վարժական հավաքներին ներգրավելու միջոցով բարձրացնել պահեստազորայինների մասնագիտական պատրաստվածության որակը, այդ թվում նաև՝ մարտական հերթապահության կրման պատրաստվածության աստիճանը:
«Բացի այդ, վարժական հավաքների ապահովման, այդ թվում նաև՝ ձևավորված առաջնագծում ինժեներական աշխատանքների կատարման նպատակով, անհրաժեշտություն է առաջացել ռազմատրանսպորտային պարտականություն ունեցող մարմիններից ներգրավել համապատասխան տեսակի և քանակի տրանսպորտային միջոցներ»,-հայտնում են կառույցից:
