09.09.2026 | 16:01
Վահե Ղալումյանը՝ ԱԺ տարածքային կառավարման և շրջակա միջավայրի պահպանության հարցերի մշտական հանձնաժողովի փոխնախագահ
Ալիևը Պուտինին տեղեկացրել է ՀՀ-ի հետ հարաբերությունների կարգավորման գործընթացի մասին
Քաղաքականություն
03.07.2024 | 18:10
Ադրբեջանական կողմը հայտարարություն է տարածել այսօր Աստանայում Շանհայի համագործակցության կազմակերպության գագաթնաժողովի շրջանակում տեղի ունեցած ՌԴ նախագահ Վլադիմիր Պուտինի և Ադրբեջանի նախագահ Իլհամ Ալիևի հանդիպման վերաբերյալ։
«Հանդիպմանը ՌԴ նախագահ Վլադիմիր Պուտինն ասել է, որ միշտ պատրաստ է աջակցել Հայաստանի և Ադրբեջանի միջև հարաբերությունների կարգավորմանը և խաղաղության օրակարգի առաջմղմանը։ Այս համատեքստում տեղի են ունեցել քննարկումներ։ Երկրի ղեկավարը տեղեկացրել է Հայաստանի և Ադրբեջանի միջև հարաբերությունների կարգավորման գործընթացի մասին»,- ասվում է հայտարարության մեջ։
Նշվում է, որ զրույցի ընթացքում մտքեր են փոխանակվել տրանսպորտի, նավաշինության, դեղագործության, ավտոմոբիլային արդյունաբերության ոլորտներում համագործակցության, ինչպես նաև ռուսական տարբեր ավտոմոբիլային ընկերությունների կողմից Ադրբեջանում արտադրության կազմակերպման շուրջ։ Ընդգծվել է Ռուսաստանից Ադրբեջան ժամանող զբոսաշրջիկների թվի աճը և Ադրբեջանում ռուսական դրամատիկական թատրոնի գործունեությունը։
