06.08.2026 | 22:30
«Անընդունելի և դատապարտելի է». Արամ Ա Կաթողիկոսը՝ Գարեգին Բ-ին դատարան կանչելու մասին
Ձերբակալված թաղապետն ու մյուս պաշտոնյաները ՔԿ-ում են. փաստաղթղթեր ու համակարգիչներ են առգրավվել
Հասարակություն
03.07.2024 | 16:30
Արաբկիրի ձերբակալված թաղապետն ու այլ պաշտոնյաներ այս պահին Քննչական կոմիտեում են: Այս մասին հայտնում է տեղում աշխատող Factor.am-ի լրագրողը: Քաղաքացիները, անանուն մնալու պայմանով, Factor.am-ի հետ զրույցում պատմել են, որ տեսել են, թե ինչպես են համակարգիչներ ու փաստաթղթեր բերվում կոմիտե, ապա նաև՝ Արաբկիրի թաղապետարանի պաշտոնյաներ: Շենքի դիմաց են հավաքվել Արաբկիրի թաղապետ Արամ Ազատյանի և մյուս ձերբակալվածների մտերիմները, նաև՝ այլ վարչական շրջանների ղեկավարներ:
Factor.am-ն ավելի վաղ գրել էր, որ ԱԱԾ-ն խուզարկում է Արաբկիր վարչական շրջանի ղեկավարի աշխատակազմը, որի արդյունքում բերման են ենթարկվել թաղապետ Արամ Ազատյանն ու նրա տեղակալ Դավիթ Բալասանյանը։ Ավելի ուշ հայտնեցինք, որ ի թիվս այլ պաշտոնյաների, նրանք ևս ձերբակալվել են: Մեր տեղեկություններով՝ խուզարկությունը կապված է գնումների ընթացքում չարաշահումների, փողերի յուրացման, կաշառք ստանալու, պաշտոնեական դիրքի չարաշահման և փաստաթղթեր կեղծելու կասկածանքի հետ:
Արփի Հակոբյան
