07.10.2026 | 12:47
Դատախազությունը պահանջում է ՊԵԿ նախկին պաշտոնյայից հօգուտ պետության բռնագանձել 3 անշարժ գույք, մեքենա և շուրջ 450 մլն դրամ
ՌԴ-ում ՀՀ դեսպանն այցելել է Բելգորոդ՝ հրթիռակոծությունից ավերված շենք
Քաղաքականություն
01.07.2024 | 13:03
ՌԴ-ում ՀՀ դեսպան Վաղարշակ Հարությունյանը Բելգորոդ կատարած աշխատանքային այցի ընթացքում այցելել է ուկրաինական ուժերի հրթիռակոծությունից ավերված շենք, գրում է ՏԱՍՍ-ը։
«Վայր, որտեղ կենտրոնացած է տասնյակ մարդկանց վիշտը, ոչ միայն նրանց, որոնք տուժել են։ Կարծում եմ՝ սա ցույց է տալիս հոգեբանական ազդեցությունն ամբողջ քաղաքի վրա։ Այստեղ դուք կարող եք ունենալ միայն կարեկցանք, այս վշտի ամբողջ մասշտաբի ըմբռնում: Եվ, բնականաբար, ցանկություն կա, որ այս ամենն արագ ավարտվի»,- լրագրողների հետ զրույցում ասել է Վաղարշակ Հարությունյանը։
Նա այցելել է նաև գեղարվեստական մարմնամարզության, սպորտային ակրոբատիկայի և բատուտով ցատկերի կենտրոն։
Հիշեցնենք, որ հունիսի 2-ին էլ Ուկրաինայում Հայաստանի դեսպան Վլադիմիր Կարապետյանն ու Երևանի Նոր Նորք վարչական շրջանի ղեկավար Տիգրան Տեր-Մարգարյանն այցելել էին ուկրաինական Բուչա։ Բուչայի քաղաքապետ Անատոլի Ֆյոդորուկի հետ հանդիպմանը քննարկվել էին Բուչայի և Երևանի համագործակցության բարելավման հնարավորությունները: Հայկական պատվիրակությունը նաև դեղորայքի տեսքով մարդասիրական օգնություն էր փոխանցել ուկրաինական կողմի բուժհաստատություններին:
Պատվիրակության անդամները նաև ծաղիկներ էին խոնարհել և հարգանքի տուրք մատուցել Բուչայի զոհերի հիշատակը հավերժացնող հուշահամալիրում։
Այս այցին արձագանքել էր ՌԴ ԱԳՆ պաշտոնական ներկայացուցիչ Մարիա Զախարովան՝ հայկական կողմից Բուչայում սպանվածների ցուցակ պահանջելով։
«Հավանաբար, Հայաստանի պատվիրակությունն ունի զոհերի ցուցակը, որը Կիևի ռեժիմը վերագրում է, իբր, ռուսական բանակին, որ ռուսական կողմն է սպանել այդ մարդկանց։ Մենք իսկապես հուսով ենք, որ հայկական կողմը ցուցակը կկիսի ռուսական կողմի հետ։ Երկու տարի է՝ չենք կարողանում հասնել նրան, որ կազմակերպությունները, այդ թվում՝ ՄԱԿ-ը, այդ տվյալները տրամադրեն»,- ասել էր Զախարովան։
