19.12.2025 | 23:33
ԱՄՆ-ի, Ռուսաստանի և Ուկրաինայի բանակցությունների նոր փուլը տեղի կունենա ԱՄՆ-ում առաջիկա օրերին
Բայրամովը հայտարարել է, թե «սահմանազատման հանձնաժողովների աշխատանքը շարունակվում է, դրական նորություններ են սպասվում»
Քաղաքականություն
27.06.2024 | 15:03
Ադրբեջանի և Հայաստանի միջև խաղաղության ուղղությամբ աշխատանքները շարունակվում են, դրական առաջընթաց է գրանցվել։ Այս մասին հայտարարել է Ադրբեջանի ԱԳ նախարար Ջեյհուն Բայրամովը Թբիլիսիում Վրաստանի ԱԳ նախարարի հետ մամուլի ասուլիսում, գրում են ադրբեջանական լրատավմիջոցները։
«Սա կարելի է անվանել սահմանազատման և սահմանագծման գործընթացի ավարտի փաստաթղթի ստորագրում։ Սահմանազատման հանձնաժողովների միջև աշխատանքը շարունակվում է, և առաջիկայում մենք ականատես կլինենք դրական նորությունների»,- ասել է Բայրամովը։
Նա նշել է, որ աշխատանքներ են տարվում խաղաղության համաձայնագրի ստորագրման ուղղությամբ և բաց հարցերի թիվը զգալիորեն նվազել է։
«Մի քանի օր առաջ Հայաստանին է ներկայացվել վերջին նախագիծը։ Ցավոք, Հայաստանի Սահմանադրությունը դեռևս ունի կետ Ադրբեջանի նկատմամբ տարածքային պահանջների մասին։ Սա ամենամեծ խոչընդոտներից մեկն է: Մենք ակնկալում ենք, որ Հայաստանը համարժեք քայլեր կձեռնարկի այս ուղղությամբ»,- հայտարարել է Բայրամովը։
