28.10.2026 | 23:23
Քննարկվել են Լուվրի և Հայաստանի պատմության թանգարանի միջև համագործակցության հեռանկարները
Վրաստանի հավաքականը հաղթեց Պորտուգալիային և դուրս եկավ փլեյ-օֆֆ Եվրո 2024
27.06.2024 | 01:09
Ավարտվեց Եվրո-2024-ի խմբային փուլը: Այսօր կայացան երրորդ տուրի վերջին հանդիպումները F խմբում։
Վրաստանի հավաքականը սենսացիոն հաղթանակ տոնեց Պորտուգալիայի հետ խաղում 2-0 հաշվով։ Նախ առաջին րոպեներին հանդիպման հաշիվը բացեց Խվիչա Կվարացխելիան։ Armsport.am-ի փոխանցմամբ՝ երկրորդ խաղակեսում Միկաուտաձեն իրացրեց 11 մետրանոց հարվածը․ նա խփեց իր 3-րդ գոլը մրցաշարում և գլխավորեց լավագույն ռմբարկուների ցուցակը։
Զուգահեռաբար ընթացող խաղում Չեխիան պարտվեց Թուրքիային՝ 1-2։ Չեխերը հանդիպման 20-րդ րոպեից խաղում էին 10 հոգով Բարակի կարմիր քարտ ստանալուց հետո։
Այսպիսով, F խմբում առաջին տեղն ավելի վաղ արդեն ապահովել էր Պորտուգալիան, որն իր ակտիվում ունի 6 միավոր, Թուրքիան նույնքան միավորով երկրորդն է, իսկ Վրաստանը՝ 4 միավորով երրորդը։ Բոլոր այս թիմերը նվաճեցին փլեյ-օֆֆի ուղեգիր։ Չեխիայի հավաքականը մեկ միավոր վաստակեց և լքեց մրցաշարը։
