Քաղաքականություն
26.06.2024 | 18:10
ՌԴ ԱԳՆ պաշտոնական ներկայացուցիչ Մարիա Զախարովան ամենշաբաթյա ճեպազրույցում անդրադարձել է Ուկրաինայի, ինչպես նաև ՀՀ-ի կողմից ֆրանսիական CAESAR համակարգերի գնմանը՝ պատասխանելով ադրբեջանցի լրագրողի հարցին։
«Դա մի կողմից Ֆրանսիայի քաղաքականությունն է՝ լինել ամենուր ու չկրել որևէ պատասխանատվություն։ Եթե ցանկանային պատասխանու մոտենալ հակամարտության կարգավորմանը, կային բազմաթիվ հնարավորություններ, այդ թվում՝ Մինսկի պայմանավորվածությունները»,- ասել է Զախարովան։
Նա հավելել է, որ Հարավային Կովկասում կար խաղաղության պլան իրավիճակի աստիճանական կարգավորման համար՝ հումանիտար ու տնտեսական ուղղությամբ, լոգիստիկ, տրանպորտային հնարավորությունների, փոխհամագործակցության համար, որոնք ձեռք էին բերվել Բաքվի, Երևանի ու Մոսկվայի միջև։ Ըստ Զախարովայի՝ «Ֆրանսիան ցանկանում է Երևանին օգտագործել որպես գործիք՝ իր նպատակներին հասնելու համար»։
Մանրամասները՝ տեսանյութում։
