01.11.2026 | 21:56
Լրագրողներն այցելել են բանակային դիրք ու ամրացված շրջան, հանդիպել Սուրեն Պապիկյանի հետ
Ուրախ ենք Պաղեստին պետությունը ճանաչելու՝ Հայաստանի որոշման կապակցությամբ․ Էրդողան
Քաղաքականություն
26.06.2024 | 14:15
Թուրքիայի նախագահ Ռեջեփ Թայիփ Էրդողանը Ազգային ժողովում իր ղեկավարած «Արդարություն և զարգացում» կուսակցության խորհրդարանական խմբի նիստում ունեցած ելույթում անդրադարձել է Գազայում տիրող իրավիճակին, ինչպես նաև մի շարք երկրների կողմից Պաղեստինի ճանաչմանը, գրում են տեղական լրատվամիջոցները։
«Հուսով ենք, որ Նորվեգիայի, Իռլանդիայի և Սլովենիայի ցուցաբերած բարեխիղճ վերաբերմունքը օրինակ կծառայի ողջ Եվրոպայի համար։ Մենք ուրախ ենք պարոն Փաշինյանի գլխավորությամբ Պաղեստին պետությունը ճանաչելու՝ Հայաստանի որոշման կապակցությամբ։ Ճանաչման քայլերը, որոնց թիվը վերջին ընդունված և հայտարարված որոշումներով հասել է 149-ի, շատ կարևոր են։ Հուսով ենք, որ կշարունակենք մեր շփումները, որպեսզի է՛լ ավելի շատ երկրներ ճանաչեն Պաղեստին պետություը»,- հայտարարել է Էրդողանը։
Հիշեցնենք, որ ավելի վաղ էլ Թուրքիայի ԱԳՆ-ն էր հայտարարություն տարածել՝ ողջունելով Հայաստանի կողմից Պաղեստին պետության ճանաչումը։
