21.01.2026 | 23:30
Ինչ իրավիճակ է Հայաստանի ճանապարհներին և Լարսում
Սեպտեմբերի 1-ից աշակերտներին չի արգելվի իրենց հետ հեռախոս տանել դպրոց
31.08.2018 | 23:00
Դպրոցներում դասաժամերի ընթացքում հեռախոսներն արգելելու որոշում և արգելք չկա: «Ֆեյսբուք»-ում հրավիրած ասուլիսի ժամանակ այս մասին հայտնեց ՀՀ կրթության և գիտության նախարար Արայիկ Հարությունյանը:
«Ֆրանսիայում օրենք են ընդունել, որ դպրոցներում դասաժամերի ընթացքում պետք է արգելել հեռախոսները: Շատ ծնողներ և ուսուցիչներ դիմում էին ինձ, թե ինչու մեր երկրում էլ նույնը չի կիրառվում: Ֆեյսբուքում մի գրառում արեցի, որպեսզի կարծիքներ իմանամ, և մեծամասնությունը կողմ էր, որպեսզի դասաժամերի ընթացքում հեռախոսներն արգելվեն»,- նշեց նախարարը և հավելեց, որ մի շարք վերլուծություններ ցույց են տալիս, որ դրանք շեղում են աշակերտին դասից:
Արայիկ Հարությունյանը պնդեց, որ մի շարք խնդիրներ կան բջջային հեռախոսները դպրոցներում արգելելու վերաբերյալ՝ պետք է լինեն համապատասխան ենթակառուցվածքներ:
«Աշակերտները պետք է յուրաքանչյուրն առանձին պահարան ունենա, որպեսզի դնի այնտեղ և տուն գնալիս այն վերցնի: Ծնողի հետ կապ հաստատելն էլ հնարավոր է նաև ուսուցչի միջոցով»,- նկատեց ՀՀ ԿԳ նախարարը:
Նա հանդիպել է դպրոցների տնօրենների հետ և ասել նրանց, որ իրենց ցանկացած դպրոցի ուսուցիչ՝ խանգարելու դեպքում, իրավասու է կարգավորել այդ խնդիրը, խնդրելու աշակերտներին, որպեսզի պահեն իրենց հեռախոսները:
