11.08.2026 | 14:52
Միայն TRIPP-ը բավարար չէ, ՀՀ-ին պետք է նաև ելք Միջերկրական ծով և Պարսից ծոց. փորձագետ. ՏԵՍԱՆՅՈՒԹ
ՌԴ-ն պատրաստ է Հայաստանի հետ հարաբերություններ կառուցել, սակայն «տանգո մենակ չեն պարում». Կոսաչով
Քաղաքականություն
25.06.2024 | 16:37
ՌԴ-ն պատրաստ է բարեկամական հարաբերություններ կառուցել Հայաստանի հետ։ Այս մասին «Պրիմակովյան ընթերցումների» շրջանակում հայտարարել է ՌԴ Դաշնային խորհրդի փոխնախագահ Կոնստանտին Կոսաչովը։
Նա հավելել է՝ «տանգո երկուսով են պարում», ուստի վերջնական արդյունքը կախված է Երևանից, գրում է News.ru-ն։
«Ռուսաստանը պատրաստ է Հայաստանի հետ բարեկամական և դաշնակցային հարաբերություններ կառուցել, մենք մինչև վերջ հավատարիմ ենք մնալու այս գծին, սակայն տանգո պարելու համար անհրաժեշտ է երկու հոգի, վերջնարդյունքը կախված չէ Ռուսաստանից, կախված է Հայաստանից։ Կախված է նրանից՝ որքանով է Հայաստանի ներկայիս ղեկավարությունը հասկանում այն ռիսկերը, որ իր մեջ կրում է Ռուսաստանի նկատմամբ անտագոնիզմը»,- ասել է նա՝ հավելելով, թե Հայաստանի մերձեցումն Արևմուտքի հետ «անպատասխանատու» քայլ է։
Ըստ Կոսաչովի՝ հետխորհրդային տարածքի այլ երկրների օրինակով կարելի է տեսնել, թե ինչի է հանգեցնում Արևմուտքի հետ մերձեցումը, հետևաբար, «Ռուսաստանը Հայաստանի համար նման ճակատագիր չի ուզում»։
