29.10.2026 | 13:39
Պենտագոնը հրաժարվել է հետաքննել Ուկրաինայում Starlink-ի աշխատանքի խափանումները
Եվրո-2024. Խմբային փուլի արգելքը հաղթահարեցին նաև Իսպանիան և Իտալիան
25.06.2024 | 10:41
Ֆուտբոլի Եվրոպայի առաջնությունում B խմբից փլեյ-օֆֆի ուղեգիր նվաճեցին Իսպանիան և Իտալիան:
«Արմենպրես»-ի հաղորդմամբ` խմբային վերջին տուրում Իսպանիան մրցելով Ալբանիայի հետ` առավելության հասավ նվազագույն հաշվով: Իսպանացիներից աչքի ընկավ Ֆերրան Տարեսը (13-րդ րոպե):
Օրվա մյուս` Խորվաթիա-Իտալիա խաղում, գրանցվեց ոչ-ոքի (1:1): Նախ հանդիպման հաշիվը 55-րդ րոպեին բացեց Լուկա Մոդրիչը, սակայն իտալացիներին հաջողվեց խուսափել պարտությունից հանդիպման ավելացված 8-րդ րոպեին: Գոլն իր ակտիվում գրանցեց Ձականին:
B խմբում առաջին տեղով` 9 միավորով, խմբային փուլի արգելքը հաղթահարեց Իսպանիան: Երկրորդ տեղում Իտալիան է (4 միավոր), որը ևս դուրս եկավ փլեյ-օֆֆ: Խորվաթիան հավաքեց 2, իսկ Ալբանիան` 1 միավոր:
