16.08.2026 | 13:35
Սպասվում է անձրև և ամպրոպ, առանձին վայրերում տեղումները կլինեն հորդառատ, հնարավոր է կարկուտ
Բաքվում զինված միջադեպ է տեղի ունեցել․ սպանվել է 3 ոստիկան ու մեկ քաղաքացիական անձ
24.06.2024 | 11:15
Բաքվի Խազարի շրջանի Շուվալան բնակավայրում բազմիցս դատապարտված և հետախուզման մեջ գտնվող Ռովշան Օգթայ օղլու Ալլահվերդիևը (ծնված 1986 թ.) ձերբակալման ժամանակ զինված դիմադրություն է ցույց տվել ոստիկաններին։ Սպանվել է մեկ քաղաքացիական անձ և երեք ոստիկան։ Այս մասին ասվում է Ադրբեջանի ՆԳՆ-ի ու գլխավոր դատախազության համատեղ հայտարարության մեջ, գրում են տեղական լրատվամիջոցները։
«․․․ հանցագործը, քողարկվելով իր ընտանիքի անդամներով և օգտվելով ստեղծված իրավիճակից, կրակ է բացել Lancaster որսորդական հրացանից՝ սպանելով մեկ քաղաքացիական անձի և երեք ոստիկանի»,-ասվում է հայտարարության մեջ։
ՆԳՆ-ն հայտնում է, որ զոհված ոստիկաններն են՝ կապիտան Էլդենիզ Մամեդովը, սերժանտներ՝ Մահիր Աղաևն ու Միրալի Հեյդարովը, իսկ Ռովշան Ալլահվերդիևը չեզոքացվել է ոստիկանության աշխատակիցների կողմից։
Դեպքի առթիվ հարուցվել է քրեական գործ, կատարվում են քննչական գործողություններ։
