13.05.2026 | 23:30
Ադրբեջանը հիշատակվում է Պենտագոնի կողմից հրապարակված չբացահայտված թռչող օբյեկտների ֆայլերում
Եվրո-2024. A խմբից փլեյ-օֆֆ դուրս եկան Գերմանիան և Շվեյցարիան
24.06.2024 | 10:08
Ֆուտբոլի Եվրոպայի առաջնությունում A խմբից փլեյ-օֆֆի ուղեգիր նվաճեցին Գերմանիան և Շվեյցարիան:
«Արմենպրես»-ի հաղորդմամբ` խմբային վերջին տուրում Գերմանիան մրցեց Շվեյցարիայի հետ: Այդ հանդիպումն ավարտվեց ոչ-ոքի` 1:1 հաշվով: Շվեյցարիայից աչքի ընկավ Նդոյեն, իսկ գերմանացիներից` Ֆուլկրուգը:
Մյուս խաղում Հունգարիան նվազագույն հաշվով առավելության հասավ Շոտլանդիայի նկատմամբ: Հունգարներից գոլն իր ակտիվում գրանցեց Չոբոտան:
Երեք տուրերից հետո A խմբից հաջորդ փուլ դուրս եկան Գերմանիան (7 միավոր) և Շվեյցարիան (5 միավոր): Հունգարիան հավաքեց 3, իսկ Շոտլանդիան 1 միավոր:
