13.05.2025 | 00:24
Ուժգին քամու ժամանակ թիթեղը պոկվել և հարվածել է հղի կնոջը․ երեխան ծնվել է ճակատի շրջանում խոր վնասվածքով
Նեյտրալ ես` ասում են լատենտ իշխանական, խոսում ես` բևեռների են բաժանում, խոսքն արժեք չունի. Վահագ Ռաշ. ՏԵՍԱՆՅՈՒԹ
Հաղորդաշարեր
22.06.2024 | 19:00
«Այսօր համացանցում շատերը վիրավորում են իրար, ու ոչ ոք պատասխան չի տալիս: Սա նաև հետպատատերազմական երկրի սինդրոմ է, ժողովուրդը զայրացած է, մեղավորներ է փնտրում, բայց պետք է ոչ թե պայքարել ինչ-որ բանի դեմ, այլ` հանուն ինչ-որ բանի: Որ կողմ նայում ես`դանակահարություն, սպանություն է. ատելությունը դարձել է նորմա»,- Factor TV-ի հետ զրույցում նշում է երգիչ, երգահան Վահագ Ռաշը:
Նա անդրադառնում է մեր ներքին քաղաքական կյանքին` նկատելով, որ հիմա ո´չ իշխանությունը, ո´չ ընդդիմությունը ժողովրդի հետ չեն երկխոսում. «Քաոս է…Այս իրավիճակում էլ արվեստագետներից շատերը չգիտեն` խոսեն, թե լռեն: Նեյտրալ ես` ասում են լատենտ իշխանական, խոսում ես`բևեռների են բաժանում, խոսքն արժեք չունի»:
Վահագ Ռաշը խոսում է նաև հայկական երգարվեստի ոլորտում տիրող իրավիճակից. «Հայկական շատ երգեր, ցավոք, թուրքա-արաբական երգերի կրկնություններ են: Մեր շատ երգիչներ ասում են`սիրում եմ արաբական մոտիվներով երգել, քանի որ հայկական սփյուռքի շրջանակում դա է ընդունելի: Սա էլ է ցավալի փաստ: Այս դաշտի գործիչների հիմնական մոտիվացիան հիմա գումար աշխատելն է. արվեստագետ հասկացությունը մղվել է երկրորդ պլան»:
Մանրամասները`տեսանյութում:
Աննա Բաբաջանյան
