17.12.2025 | 10:42
Համաձայնագիրը խաղաղության հիմքն է, եթե կա բարի կամք և փոխադարձ հարգանք. իսպանացի պատգամավորը՝ Երևան-Բաքու երկխոսության մասին
Ուկրաինան Արկադի և Իգոր Ռոտենբերգների նկատմամբ հետախուզում է հայտարարել
Քաղաքականություն
21.06.2024 | 13:44
Ուկրաինայի ՆԳՆ-ն ռուս միլիարդատեր Արկադի Ռոտենբերգի, ինչպես նաև նրա որդու՝ ձեռնարկատեր Իգոր Ռոտենբերգի նկատմամբ հետախուզում է հայտարարել։ Այս մասին հայտնում է The Moscow Times-ը՝ վկայակոչելով իրավապահների հրապարակած փաստաթղթերը։
Նրանք հետախուզվում են «պետական իշխանությունը զավթելու, պետական սահմանի սահմանները փոխելուն ուղղված գործողությունները ֆինանսավորելու», «հանցագործությունից եկամուտներ լվանալու», ինչպես նաև «հարկերից խուսափելու» քրեական գործերով։ Այս գործերում Ռոտենբերգների դատավարական կարգավիճակը նշված չէ:
Արկադի Ռոտենբերգը համարվում է ՌԴ նախագահ Վլադիմիր Պուտինի մտերիմ ընկերը։ Youtube-ում Հակակոռուպցիոն հիմնադրամի կողմից Գելենջիկի մոտ գտնվող ՌԴ նախագահի պալատի մասին հետաքննական ֆիլմի հրապարակումից հետո Արկադի Ռոտենբերգն իրեն անվանել է շքեղ շենքի սեփականատերը։
«Պրոյեկտ»-ի տվյալներով՝ Արկադի Ռոտենբերգի հետ կապված ընկերություններն ու հիմնադրամները Ղրիմի օկուպացիայի առաջին հինգ տարիներին միայն թերակղզում պետական պայմանագրերի վրա ծախսել են մոտ 300 միլիարդ ռուբլի, ինչը մոտավորապես կազմում է Ղրիմի համար Մոսկվայի հատկացրած ամբողջ գումարի քառորդ մասը։
