05.11.2024 | 15:21
Ես ամուսնալուծված եմ, չունեմ կին, որ հիմա էլ ԲՏԱ նախարարությունում է աշխատում. Հակոբ Սիմիդյան․ ՏԵՍԱՆՅՈՒԹ
Վրաստանի Կառավարությունը լուրջ հարված հասցրեց մեր տնտեսվարողներին․ վարչապետը պետք է Անվտանգության խորհրդի նիստ հրավիրի․ Գագիկ Մակարյան․ ՏԵՍԱՆՅՈՒԹ
Քաղաքականություն
31.08.2018 | 14:50
Մեր պետական մարմինները շատ լուրջ անելիք ունեն, և, կարծում եմ, Հայաստանի վարչապետը պետք է հրավիրի Անվտանգության խորհրդի նիստ, որովհետև մենք, ստացվում է, մեր կախվածությունը Վրաստանից ուժեղացրել ենք և կունենանք բեռների տեղափոխման կախվածություն իր երկաթգծից, իսկ եթե Վրաստանի հետ այնքան էլ լավ չհարաբերվենք՝ քաղաքական տեսանկյունից ևս հարցեր կառաջանան։
Այս մասին այսօր հրավիրված մամուլի ասուլիսի ժամանակ ասաց Հայաստանի գործատուների հանրապետական միության նախագահ Գագիկ Մակարյանը՝ անդրադառնալով Վրաստանի Կառավարության սեպտեմբերի 15-ի որոշմանը, որով ՌԴ-ից ՀՀ ցամաքային ճանապարհներով կարգելվի ցորենի ներկրումը։
Գագիկ Մակարյանը նկատեց, որ այս հարցին պետք է նայել նաև եվրոպական փորձի տեսանկյունից։
«Վրաստանը ձգտում է գնալ դեպի Եվրոպա, ստորագրել է Համապարփակ համաձայնագիր, Հայաստանն էլ այլ Համապարփակ համաձայնագրով պետք է համագործակցի Եվրամիության հետ, հետևաբար պետք է նայել, թե եվրոպական կանոնակարգերով ինչպիսի՞ կանխարգելիչ միջոցառումներ են իրականացվում»,- ասաց Գագիկ Մակարյանը։
Վերջինս նկատեց, որ Վրաստանի Կառավարությունը, հավանաբար, հոգնել է հայկական կողմի խնդրանքներից՝ կապված ճանապարհների հերթերի հետ, և որոշեց այս տարբերակով հարցը լուծել՝ լուրջ հարված հասցնելով մեր տնտեսվարողներին, իսկ տարածաշրջանում էլ դարձավ ավելի բարձր կարգավիճակ ունեցող երկիր։
Գագիկ Մակարյանը շեշտեց նաև՝ պետք չէ վրացական կողմին խնդրել զեղչեր կիրառել, քանի որ հարցին ավելի գլոբալ լուծում է պետք տալ։
Մանրամասները՝ տեսանյութում։
