12.10.2026 | 14:44
Տնտեսագիտության ոլորտում Նոբելյան մրցանակի են արժանացել ամերիկացի երկու գիտնականներ
Մարդիկ Կրասնոդարում 1200 տոննա ցորեն ունեն, հո՞ 15 օրում չեն կարող ներկրել․առաջարկում ենք հետաձգել որոշման կիրառումը․ Հերբերտ Համբարձումյան․ ՏԵՍԱՆՅՈՒԹ
Տնտեսություն
31.08.2018 | 14:22
Վրաստանի Կառավարության՝ սեպտեմբերի 15-ի որոշումը, որով արգելվելու է Հայաստան ցամաքային ճանապարհներով ցորենի ներկրումը, ըստ վրացական կողմի հիմնավորումների, ունի երեք պատճառ։ Այս մասին այսօր հրավիրված մամուլի ասուլիսի ժամանակ ասաց Հայաստանի միջազգային փոխադրողների ասոցիացիայի նախագահ Հերբերտ Համբարձումյանը։
«Առաջինը հիմնավորում են այն, որ վրացական երկաթուղին պարապուրդի է մատնված, և, լաստանավերով բեռները երկաթուղի հասցնելով, ըստ էության, իրենց երկաթուղին կաշխատի նաև։ Ըստ երկրորդ հիմնավորման՝ հատիկավոր բեռներն, օրինակ, 20 տոննա բարձած ցորենը, փչացնում է ճանապարհները։ Երրորդ պատճառն, ըստ վրացական կողմի, կապված է Լարսը բեռնաթափելու հետ»,-ասաց Հերբերտ Համբարձումյանը՝ նշելով, որ վրացական Կառավարության այս որոշումը հայկական կողմի համար անակնկալ էր։
Հայաստանի միջազգային փոխադրողների ասոցիացիայի նախագահը նշեց, որ խնդրանքով դիմելու են Կառավարությանը, որ փորձեն հետաձգել այդ որոշման կիրառումը։
«Մարդկանց պետք է ժամանակ տալ, լոգիստիկա անելու։ Բեռնափոխադրողներն ասում են, որ, օրինակ, ՌԴ-ում՝ Կրասնոդարում, ունեն 1200 տոննա ցորեն, հո՞ չեն կարող 15 օրվա ընթացքում այդքան ցորեն ներկրել։ Առաջարկում ենք, որ այդ որոշումն ուժի մեջ մտնի, գոնե, հունվարի 1-ից»,- ասաց նա։
Հերբերտ Համբարձումյանը նշում է նաև՝ վրացական Կառավարության այս որոշման արդյունքում խնդրի առաջ կկանգնեն 45-45 իրավաբանական կազմակերպություն։
«Հայաստանում կա 250-300 ավտոմեքենա․ ի՞նչ են նրանք անելու, այդ մենքենաները հարմարեցված են միայն ցորեն ներկրելու համար»,- ասաց նա։
Մանրամասները՝ տեսանյութում։
