16.03.2026 | 20:00
Ով շահեց եկամտային հարկի վերադարձի ծրագրից․ ՏԵՍԱՆՅՈՒԹ
Մոսկվան հույս ունի մինչև տարեվերջ գլխավոր հյուպատոսություն բացել Կապանում
Քաղաքականություն
20.06.2024 | 11:43
Մոսկվան հուսով է առաջիկայում Հայաստանում գլխավոր հյուպատոսություն բացել։ Այս մասին ՏԱՍՍ-ի հետ զրույցում հայտարարել է ՌԴ ԱԳ փոխնախարար Եվգենի Իվանովը։
«Գլխավոր հյուպատոսությունների մասով գիտեք, որ հրամաններ են տրվել Հայաստանում և Մալդիվներում գլխավոր հյուպատոսություն բացելու վերաբերյալ։ Այժմ Ինդոնեզիայիում՝ Բալիում կբացվի գլխավոր հյուպատոսություն։ Ընդհանուր առմամբ, սա բավականին մեծ կազմակերպչական և տեխնիկական աշխատանք է»,- ասել է Իվանովը։
Նա հավելել է, որ Հայաստանում հյուպատոսության բացումը նախատեսվում է առաջիկայում։
«Հուսով ենք՝ մինչև տարեվերջ»,- նշել է Իվանովը։
Նշենք, որ դեռևս 2023 թվականի նոյեմբերին ՌԴ կառավարությունը հավանություն էր տվել Կապանում գլխավոր հյուպատոսություն բացելու մասին համաձայնագրին։ Որոշումը ստորագրել էր ՌԴ վարչապետ Միխայիլ Միշուստինը։
