19.12.2025 | 23:07
Պետությունը շարունակելու է աշխատանքներ իրականացնել սոցբնակարանային ֆոնդի ընդլայնման ուղղությամբ. ԱՍՀ նախարար
Մոսկվան արձագանքել է ՀԱՊԿ ԱԳ նախարարների խորհրդի նիստին չմասնակցելու մասին ՀՀ ԱԳՆ-ի որոշմանը
Քաղաքականություն
20.06.2024 | 11:06
Մոսկվան հույս ունի, որ Երևանում կհասկանան, որ ՀԱՊԿ հարթակը բոլոր հնարավորություններն ընձեռում է տարածաշրջանային անվտանգության ապահովման հարցերում համագործակցության համար։ Այս մասին ՌԻԱ Նովոստիին ասել է ՌԴ ԱԳ փոխնախարար Միխայիլ Գալուզինը՝ մեկնաբանելով հունիսի 21-ին Ալմաթիում կայանալիք ՀԱՊԿ ԱԳ նախարարների խորհրդի նիստին չմասնակցելու մասին ՀՀ ԱԳՆ-ի որոշումը։
«Հուսով ենք, որ մեր հայ գործընկերները, իսկ մենք մնում ենք դաշնակիցներ, ամեն դեպքում, կգան այն ընկալման, որ տարածաշրջանային անվտանգության ապահովման ամենաարդյունավետ մեթոդը տարածաշրջանային պետությունների համագործակցությունն է, և ՀԱՊԿ հարթակը տալիս է բոլոր հնարավորությունները»,- ասել է Գալուզինը։
Հավելենք, որ նախօրեին ՀՀ ԱԳՆ մամուլի խոսնակ Անի Բադալյանը հայտնել էր, որ Հայաստանի արտգործնախարար Արարատ Միրզոյանը չի մասնակցի հունիսի 21-ին Ալմաթիում կայանալիք ՀԱՊԿ անդամ երկրների ԱԳՆ ղեկավարների խորհրդի նիստին:
