09.06.2026 | 23:19
Կանանց Հայաստանի հավաքականը 0:6 հաշվով պարտվեց Բելառուսին. ՏԵՍԱՆՅՈՒԹ
Սարգիս Խանդանյանն ու Լատվիայի ԱԳՆ պետքարտուղարի տեղակալը քննարկել են միջխորհրդարանական հարաբերությունների ընդլայնումը
Քաղաքականություն
19.06.2024 | 14:12
Ազգային ժողովի արտաքին հարաբերությունների մշտական հանձնաժողովի նախագահ Սարգիս Խանդանյանը հունիսի 18-ին հանդիպել է Լատվիայի արտաքին գործերի նախարարության պետքարտուղարի տեղակալ Անջեյս Վիլումսոնսի հետ․ տեղեկացնում են ՀՀ ԱԺ-ից։
Հանդիպմանը ներկա է եղել Հայաստանում Լատվիայի արտակարգ եւ լիազոր դեսպան Էդիտե Մեդնեն (նստավայրը` Թբիլիսի):
Ողջունելով հյուրերին` Սարգիս Խանդանյանն ընդգծել է, որ վերջին տարիներին ակտիվացել է երկու երկրների միջխորհրդարանական համագործակցությունը, ինչին նպաստում են երկկողմ բարձրաստիճան փոխայցերը: Հանձնաժողովի նախագահը կարեւորել է Լատվիայի հետ փոխգործակցությունը նաեւ Հայաստան-Եվրամիություն հարաբերությունների ձեւաչափում:
Հանդիպման ընթացքում Սարգիս Խանդանյանը հյուրերին ներկայացրել է տարածաշրջանում անվտանգային իրավիճակը, անդրադարձել Հայաստանի եւ Ադրբեջանի միջեւ խաղաղության պայմանագրի շուրջ բանակցություններին, խոսել ՀՀ կառավարության կողմից մշակված «Խաղաղության խաչմերուկ» ծրագրի մասին:
Զրուցակիցները մտքեր են փոխանակել առեւտրատնտեսական ու զբոսաշրջության ոլորտներում համագործակցության զարգացման վերաբերյալ:
