22.10.2026 | 11:00
Կառավարության նիստը՝ ՈՒՂԻՂ
Գյուղատնտեսության կրած վնասները մինչև օգոստոսյան կարկուտը գերազանցում էին 6 մլրդ դրամը․ ՏԵՍԱՆՅՈՒԹ
Քաղաքականություն
31.08.2018 | 12:12
Մինչև օգոստոսյան հայտնի կարկուտը գյուղատնտեսության կրած վնասները հասնում էին 6 մլրդ դրամի, վերջին կարկտահարությունից հետո դիմել ենք Արմավիրի մարզպետարան, վերջնական թվերը ստանալու համար, և եթե չունենանք նոր կարկուտ, սեպտեմբերի վերջին կկարողանանք ի մի բերել օգոստոսին հասցված վնասը և աջակցություն ցուցաբերել բնական աղետներից վնաս կրած գյուղացիներին։
Այս մասին այսօր պաշտոնավարման 100 օրվա ամփոփիչ ասուլիսի ժամանակ ասաց գյուղատնտեսության նախարար Արթուր Խաչատրյանը՝ նշելով, որ Կառավարությանը ներկայացրել են առաջարկություն գյուղացիներին փոխհատուցումը կտրվի կանխիկ գումարով։
«Նախորդ տարիներին աջակցությունը ցուցաբերվում էր այս սկզբունքով՝ գյուղացին ունի հողի հարկ, ջրի վարձ և այդ գումարը հատկացվում էր դրանց համար, իսկ հիմա առաջարկում ենք կանխիկով գյուղացուն գումար հատկացել»,- ասաց նախարարը։
Արթուր Խաչատրյանը նշեց, որ ստեղծվելու է կազմակերպություն, որը գնահատելու է գյուղատնտեսության կրած վնասները և հաշվարկելու է ռիսկերը, որոնք դրվելու են գյուղատնտեսական ապահովագրության հիմքում։
Մանամասները՝ տեսանյութում։
