30.04.2026 | 12:00
ՀՀ-ում լրագրողները հաճախ ենթարկվում են ճնշման. Factor TV-ն մի շարք կայքերի հետ կատարում է անկախ վերահսկողի դեր. RSF
ՔԿՀ-ներում ԵՄ-ի աջակցությամբ 200.000 եվրոյի բուժսարքավորումներ են տեղադրվել
Հասարակություն
11.07.2017 | 16:46
Եվրամիության ֆինանսավորմամբ Արևելյան գործընկերության երկրներում 2015-2017թթ. ծրագրային համագործակցության շրջանակներում մեկնարկած «Առողջապահության և մարդու իրավունքների պաշտպանության ամրապնդումը Հայաստանի բանտերում» ծրագրի շրջանակներում շուրջ 200.000 եվրո արժողությամբ արդեն իսկ ձեռք բերված սարքավորումներն ու պարագաները այս օրերին տեղադրվում են ՀՀ քրեակատարողական հիմնարկներում:
ՀՀ ԱՆ ՔԿՎ հանրային կապերի բաժնից հայտնում են, որ մասնավորապես, վերոնշյալ սարքավորումները տեղադրվել և գործարկվել են «Արթիկ», «Վանաձոր», «Կոշ», «Արմավիր» և «Նուբարաշեն» քրեակատարողական հիմնարկներում: Առաջիկայում դրանք կտեղադրվեն նաև մնացած բոլոր քրեակատարողական հիմնարկներում ևս:
Բժշկական սարքավորումների թվում են ատամնաբուժական հավաքածու (բազկաթոռ և լրակազմ, ատամնաբուժական ռենտգեն սարքավորում, ատամնաբուժական գործիքների հավաքածու), ավտոկլավ 12լ., ԷՍԳ, մանրէազերծիչ տաք, չոր օդային 50լ. սարքավորում, վիրաբուժական գործիքների հավաքածու, օտտոսկոպ և օֆտալմոսկոպ և այլ սարքավորումներ ու գործիքներ:
