07.10.2026 | 16:00
2-րդ դասարանի աշակերտուհուն ծեծելու դեպքով ուսուցչուհուն ձերբակալելու որոշում է կայացվել
Ֆիդանն ու Բայրամովը տարածաշրջանում իրավիճակն ու երկկողմ օրակարգի հարցեր են քննարկել
Քաղաքականություն
17.06.2024 | 19:51
Թուրքիայի ԱԳ նախարար Հաքան Ֆիդանն ու Ադրբեջանի ԱԳ նախարար Ջեյհուն Բայրամովը հեռախոսազրույցում քննարկել են երկու երկրների միջև երկկողմ դաշնակցային հարաբերությունների՝ տարբեր ասպեկտների ուղղությամբ կատարված աշխատանքը։ Ադրբեջանի ԱԳՆ-ի հաղորդմամբ՝ քննարկվել են նաև Արցախի հայաթափված Շուշի քաղաքում կայանալիք Թյուրքական պետությունների կազմակերպության ոչ պաշտոնական գագաթնաժողովի նախապատրաստման հարցեր։
Անդրադարձ է եղել երկկողմ հետաքրքրություն ներկայացնող հարցերի, ինչպես նաև տարածաշրջանում տիրող իրավիճակին։
Հավելենք, որ Ֆիդանն ու Բայրամովը հեռախոսազրույց էին ունեցել նաև հունիսի 10-ին։
Թուրքական աղբյուրների հաղորդմամբ՝ Թուրքիայի նախագահ Ռեջեփ Թայիփ Էրդողանը հուլիսի 6-ին այցելելու է Շուշի՝ մասնակցելու Թյուրքական պետությունների կազմակերպության ոչ պաշտոնական գագաթնաժողովին։ Անկարայում հունիսի 10-ին Ադրբեջանի նախագահ Իլհամ Ալիևի հետ հանդիպմանն այս հարցը ևս քննարկվել էր։ Կողմերն ընդգծել էին Թյուրքական պետությունների կազմակերպության և երկու երկրների միջև համագործակցության հետագա զարգացման և Արցախի Շուշի քաղաքում կայանալիք կազմակերպության ոչ պաշտոնական գագաթնաժողովի կարևորությունը։
Էմմա Չոբանյան
