11.01.2025 | 20:13
Կրակը Գլենդելից հեռու է. քաղաքապետը մանրամասներ է ներկայացրել
Ժողովուրդն ասում է՝ բենթլիներով հարուստները հեղափոխության են ելել․ իշխանություն են ուզում փոխել, որ ունեցվածքը պահեն․ Հակոբ Ասլանյան․ ՏԵՍԱՆՅՈՒԹ
Քաղաքականություն
17.06.2024 | 20:30
ԱԺ ընդդիմությունը պնդում է, որ կառավարությունը շեղվել է 2021-ին ընդունած ծրագրից՝ թե՛ Արցախի մասով, թե՛ ՀԱՊԿ-ի մասով։ ՀՀ ԱԺ «Քաղաքացիական պայմանագիր» խմբակցության պատգամավոր Հակոբ Ասլանյանին Factor TV-ի հետ զրույցում հարց ուղղեցինք, թե ինչո՞ւ է ՔՊ խմբակցությունը որոշել այսօր չմասնակցել ընդդիմության հրավիրած ԱԺ արտահերթ նիստին։ «Հայաստան» և «Պատիվ ունեմ» խմբակցությունները առաջարկել են Կառավարությանը հրաժարականի ԱԺ-ի ուղերձի նախագիծ, որի ընդունումից հետո պետք է ձևավորվեր նոր կառավարություն։ Ասլանյանի կարծիքով հեղափոխական իրավիճակ Հայաստանում չկա․
«Այս մարդիկ կեղծ հեղափոխականներ են, և այս փողոցային շարժումը կռիլովյան համերգի դրվագ է։ ՀՀ-ում չկա հեղափոխական իրադրություն։ Վարչապետի հրաժարականի՝ ընդդիմության առաջարկը մանիպուլյացիա է։ Ժողովուրդն ասում է՝ հարուստներն ինչո՞ւ են հեղափոխության ելել, հարուստների հեղափոխություն չկա պատմության մեջ։ Բենթլիներով եկել՝ իշխանություն են ուզում փոխել, ուզում են իշխանություն, որ պահպանեն ունեցվածքը։ Ժողովուրդն ասում է ընդդիմությանը՝ նստեք տեղներդ, ե՛ս կորոշեմ՝ ով է ՀՀ-ում իշխանություն»։
ՀՀ կառավարող ուժի պատգամավորը ո՛չ միայն ՀՀ երկրորդ նախագահ Ռոբերտ Քոչարյանին է տեսնում այս ընդդիմադիր ակցիաների հետևում, այլև՝ Ռուսաստանի շահերը․ «Քոչարյանը և ՀՅԴ-ն ամենից շահագրգիռն են՝ իշխանությունը զավթելու, որ ՀՀ-ն ՌԴ-ի կազմում գուբերնիայի վերածեն։ Նրանք այդպիսով կոչնչացնեն ժողովրդավարության ծիլերը ՀՀ-ում, բայց դա չի՛ լինելու։ Բագրատ Գալստանյանը մոռանում է՝ չի կարող խաբել ժողովրդին մշտապես, մոլորված մարդիկ կան այնտեղ, բայց այս շարժումը ոչինչ չի տալու։ Թող երկիրը ցնցումների չտանեն, նստեք ձեր տեղը հանգիստ»,- նշեց Ասլանյանը։
Հարցազրույցն ամբողջությամբ՝ տեսանյութում։
Ռոբերտ Անանյան
