«Տավուշը հանուն հայրենիքի» շարժման առաջնորդ Բագրատ արքեպիսկոպոս Գալստանյանը ԱԺԲ անդամների հետո այսօր այցելել է «Եռաբլուր» զինվորական պանթեոն, ծաղիկներ խոնարհել Ղարաբաղյան շարժման համահիմնադիր Իգոր Մուրադյանի շիրիմին։
«6-րդ տարին է լրացել Իգոր Մուրադյանի՝ այս աշխարհից մեկնումի։ Մեր մտեքերն անընդհատ հետ են գնում 1988 թվականը․ թվում էր, թե ոչինչ չի պատահել մեր տարածաշրջանում, երկրում, կյանքում։ Հանկարծ մթնոլորտը պայթեց Արցախյան ազատամարտի այն առաջին սերմերով, որի հիմնադիրներից մեկը մեր Իգոր Մուրադյանն էր»,- Եռաբլուրում ասել է Բագրատ արքեպիսկոպոս Գալստանյանը։
Գալստանյանը դիմել է նաև զոհված զինծառայողների ծնողներին. «Դուք մեր հայրենիքի հայրերն ու մայրերն եք, ձեզանից ավելի մեծ արժեք մեզ համար, ինձ համար այս կյանքում գոյություն չունի։ Եթե արժանի ենք, ինչ-որ ձևով ընդունեք մեզ որպես ձեր որդիներ, մենք այդ հաղթանակը նաև ձեզ ենք պարտք»։
