06.08.2026 | 20:10
Picsart-ի հիմնադիր Հովհաննես Ավոյանը պարգևատրվել է «Հայրենիքին մատուցած ծառայությունների համար» 2-րդ աստիճանի շքանշանով
Սարոյան եղբայրների կլիշեն այսօր սրվել է, տպավորություն է, թե մարտի 2-է հասունացվում. Հայկ Պետրոսյան. ՏԵՍԱՆՅՈՒԹ
Հաղորդաշարեր
15.06.2024 | 19:00
«Այսօր մենք կարող ենք հասնել հանրային համերաշխության որոշ դրույթների շուրջ, մնում է` գործի դնել մտավոր ռեսուրսը, բայց արդյո՞ք մարդիկ կմասնակցեն այդ դրույթների պահպանմանը, եթե հաշվի առնենք, որ ապրում ենք կիսագործակալական, անտարբեր հասարակության մեջ»,- Factor TV-ի հետ զրույցում նշում է երգիչ, դերասան Հայկ Պետրոսյանը:
Անդրադառնալով մեր հասարակության պառակտված լինելուն` երգիչը նկատում է. «Սարոյան եղբայրների կլիշեն այսօր սրվել է, Աստված չանի, տպավորություն է, թե մարտի 1 եղավ, հիմա մարտի 2-է հասունացվում. ով է հասունացնում, ում է դա ձեռնտու`ուրիշ հարց է, բայց այդ խնդիրը կա»:
Մեր զրուցակիցը նշում է, որ այս օրերին էլ հաճախ է զրույցներ ունենում հոր` դերասան Վարդան Պետրոսյանի հետ. «Բոլորս էլ շատ անհանգստացած ենք մեր հայրենիքի վիճակով, մեր պարտքն է` թույլ չտալ հայրենիքի կորուստ, ամեն բնագավառում պետք է խրամատավորվել: Կա նաև մշակութային խրամատ, իսկ ամենահզոր զենքը կարող է Կոմիտասը լինել»:
Հարցին, թե այսօր հանրությունը և հենց ինքն ունի արդյոք մեր մտավորականության խոսքի կարիքը, Հայկ Պետրոսյանը պատասխանում է.
«Իհարկե` ունենք այդ խոսքի կարիքը: Մտավորականներն արդեն շատ են խոսել, բայց ասողին լսող է պետք: Մարդիկ ուզում են լսել այն, ինչ իրենք են ուզում: Հակառակ դեպքում հաճախ պիտակավորում են, պիտակավորումների այսպիսի մեծ մասշտաբ երբեք չի եղել, բայց աշխարհն, ընդհանուր առմամբ, նույնն է մնացել»:
Մանրամասները` տեսանյութում:
Աննա Բաբաջանյան
