16.02.2026 | 11:17
Տեղի է ունեցել Սահմանադրական բարեփոխումների խորհրդի հերթական նիստը
Մեզ չեն կարող պարտադրել. Արծվիկ Մինասյանը՝ մանդատները վայր դնելու մասին․ ՏԵՍԱՆՅՈՒԹ
Քաղաքականություն
14.06.2024 | 12:22
«Մենք միշտ ենք ասել, մանդատներ վայր դնելը մեր օրակարգում եղել է, կա, լինելու է, բայց մենք իշխանության ցանկություններով չենք շարժվելու»,- այս մասին խորհրդարանական ճեպազրույցների ժամանակ ասաց «Հայաստան» խմբակցության քարտուղար Արծվիկ Մինասյանը։
«Իշխանությունն ինչո՞ւ է ուզում դա հետևողականորեն քարոզել։ Ակնհայտ է, որ ցանկացած ընդդիմություն ուզում է արտահերթ ընտրություններ, մենք ուզում ենք դա առանց Նիկոլի՝ թեկուզ ԺՊ-ի առկայության։ Եթե իշխանությունը ցանկանում է, այնուամենայնիվ, առաջանա այդպիսի իրավիճակ պարզ է չէ՞, որ 107-ից 72 մանդատների տիրապետող ուժը հենց դրեց մանդատները, այդ ԱԺ-ն պետք է լուծարվի, ինչո՞ւ իրենք չեն գնում այդ քայլին»,- նշեց նա։
Ընդդիմադիր խմբակցության քարտուղարի պնդմամբ՝ որևէ մեկը չի կարող իրենց պարտադրել մանդատները վայր դնել։ Նրա խոսքով՝ իրենք այդ քայլին կգնան, երբ համոզված լինեն, որ իշխանությունը Փաշինյանի գլխավորությամբ «չի կարողանալու օգտագործել իր վարչական, նյութական և կարմիր «բանտիկով» մուրճերն իշխանությունը վերարտադրելու համար»։
Մանրամասները՝ տեսանյութում։
