26.06.2026 | 17:18
Հակասահմանադրական դրույթ է, երբ խմբագրվում է ընտրական իրավունքը. կարծիքս բացասական է. Վարդինե Գրիգորյան․ ՏԵՍԱՆՅՈՒԹ
ՀԱՊԿ-ն արձագանքել է Փաշինյանի հայտարարությանը
Քաղաքականություն
13.06.2024 | 18:00
Հավաքական անվտանգության պայմանագրի կազմակերպությունը, Հայաստանի վարչապետ Նիկոլ Փաշինյանի՝ կազմակերպությունից հնարավոր դուրս գալու մասին վերջին հայտարարությունների ֆոնին, կարծում է, որ Երևանը մնում է դաշինքի լիիրավ անդամը։ Այս մասին ՏԱՍՍ-ին հայտնել են ՀԱՊԿ քարտուղարությունից։
«Մենք ելնում ենք նրանից, որ չնայած ՀԱՊԿ միջոցառումներին Հայաստանի Հանրապետության մասնակցության նկատելի նվազմանը՝ նա մնում է կազմակերպության լիիրավ անդամ»,- ընդգծել են ՀԱՊԿ քարտուղարությունում։
Այստեղ ուշադրություն են հրավիրել նաև ՀՀ արտգործնախարար Արարատ Միրզոյանի պարզաբանումների վրա, ըստ որի՝ Փաշինյանը նկատի չի ունեցել, որ Հայաստանը դուրս է գալիս ՀԱՊԿ-ից։
Հիշեցնենք, որ պետբյուջեի կատարման հաշվետվության շուրջ եզրափակիչ ելույթում վարչապետ Նիկոլ Փաշինյանը հայտարարել էր, որ հաջորդ տրամաբանական քայլը լինելու է ՀԱՊԿ-ից դուրս գալը։
