08.11.2026 | 21:21
Առատ ձյան պատճառով Գորայք-Մեղրի ճանապարհը փակ է կցորդիչով բեռնատարների համար
Ռուբիկ Մխիթարյանն ընտրվեց Վճռաբեկ դատարանի դատավոր․ ՏԵՍԱՆՅՈՒԹ
Տեսանյութեր
13.06.2024 | 17:17
Ռուբիկ Մխիթարյանը պատգամավորների 70 կողմ ձայներով ընտրվեց Վճռաբեկ դատարանի հակակոռուպցիոն պալատի դատավոր:
ԱԺ հաշվիչ հանձնաժողովի նախագահ Նարեկ Բաբայանը, ներկայացնելով տեղի ունեցած գաղտնի քվեարկության արդյունքները, հայտնեց, որ ԱԺ 107 պատգամավորից քվեարկությանը մասնակցել է 70-ը:
Նշենք, որ Բարձրագույն դատական խորհուրդը Վճռաբեկ դատարանի հակակոռուպցիոն պալատի կոռուպցիոն հանցագործությունների քննության դատական կազմի դատավորի թափուր տեղում առաջադրել էր Արմեն Դանիելյանի, Ռուբիկ Մխիթարյանի և Մանվել Շահվերդյանի թեկնածությունները:
Հիշեցնենք՝ Ռուբիկ Մխիթարյանը Վերաքննիչ քրեական դատարանի դատավորներից է։ Նրա նախագահությամբ են ընթացել Երևանի նախկին քաղաքապետ Ալբերտ Բազեյանի, ՀՀ նախկին գլխավոր դատախազ, քննչական կոմիտեի նախկին նախագահ Աղվան Հովսեփյանի գործերով դատական նիստերը։
