17.02.2026 | 01:59
Կարինա Ակոպովան ու Նիկիտա Ռախմանինը 14-րդ տեղը գրավեցին ձմեռային Օլիմպիական խաղերում
Բելառուսը հետ է կանչում ՀՀ-ում իր դեսպանին՝ խորհրդակցությունների
Քաղաքականություն
13.06.2024 | 16:56
Բելառուսը խորհրդակցությունների համար հետ է կանչում Հայաստանում իր դեսպանին։ Այս մասին լրագրողներին հայտնել է Բելառուսի ԱԳՆ մամուլի քարտուղար Անատոլի Գլազը, փոխանցում է ԲԵԼՏԱ-ն։
«Մենք բոլորս տեսնում ենք, թե ինչքան բարդ է ներքաղաքական իրավիճակը Հայաստանում, որքան արագ է սրվում առճակատումը երկրի ներսում։ Տարբեր մարդիկ, իհարկե, տարբեր դիմադրության աստիճան ունեն լուրջ հուզական բեռի նկատմամբ։ Մենք կարող ենք սա հասկանալ։ Բայց մենք չենք հասկանում՝ ի՞նչ կապ ունի Բելառուսը»,- նշել է ԱԳՆ մամուլի քարտուղարը։
Նրա խոսքով՝ Հայաստանի դեսպանատան ներկայացուցիչն էլ հրավիրվել է ԱԳՆ՝ պարզաբանելու այդ հարցը։
«Հաշվի առնելով իրավիճակի զարգացումը՝ մեր դեսպանը Երևանից առաջիկայում ևս կժամանի Մինսկ»,- ասել է Գլազը։
Բելառուս պաշտոնյան նաև հայտարարել է՝ «եթե Հայաստանում ինչ-որ մեկը որոշել է արտաքին թշնամի ներկայացնելով՝ ուշադրությունը շեղել ներքին խնդիրներից, ապա դա շատ անհեռատես դիրքորոշում է»։
Հիշեցնենք, որ այսօր ՀՀ վարչապետ Նիկոլ Փաշինյանը հայտարարել էր, որ Բելառուս չի այցելի, քանի դեռ նախագահը Ալեքսանդր Լուկաշենկոն է։ Այնուհետև ՀՀ ԱԳՆ-ն հայտնել էր Մինսկից ՀՀ դեսպանին հետ կանչելու մասին։
