05.09.2026 | 22:55
«Ինտերը» 0:2-ից հետո կամային հաղթանակ է տարել «Նապոլիի» նկատմամբ. ՏԵՍԱՆՅՈՒԹ
Իրանի 50-րդ համահայկական խաղերի բացման արարողությունն «Արարատ» մարզամշակութային համալիրում
Քաղաքականություն
30.08.2018 | 17:54
Օգոստոսի 29-ին Թեհրանի «Արարատ» մարզամշակութային համալիրում տեղի ունեցավ Իրանի 50-րդ համահայկական խաղերի բացման հանդիսավոր արարողությունը, որին ներկա էր ԻԻՀ-ում ՀՀ արտակարգ և լիազոր դեսպան Արտաշես Թումանյանը և դեսպանության անձնակազմը. տեղեկացնում է ՀՀ ԱԳՆ-ն:
Իրանի համահայկական 50-րդ խաղերին մասնակցում են ինչպես իրանահայ համայնքի, այնպես էլ Հայաստանից, Արցախից և Ջավախքից Թեհրան ժամանած պատանիներ:
Խաղերի բացման արարողությունն սկսվեց խորհրդանշական ջահը մարզադաշտ բերելով, որի պատիվը տրվեց անվանի մարզիկ, Իրանի ֆուտբոլի ազգային հավաքականի նախկին անդամ Մարգար Աղաջանյանին:
Միջոցառմանը մասնակցեցին նաև ԻԻՀ պաշտոնյաներ, Թեհրանի հայոց թեմի առաջնորդ Տ. Սեպուհ արք. Սարգսյանը, իրանահայ ազգային մարմինների ներկայացուցիչներ և բազմաթիվ մարզասերներ:
