Թուրքիան բացահայտ աջակցում է «Արևմտյան Ադրբեջան» կեղծ թեզի տարածմանը

Լուրեր

21.11.2026 | 17:18
Ինչ եղանակ է սպասվում առաջիկա օրերին
21.11.2026 | 16:54
Ակրոպոլիսի թանգարանում բացվել է հին Հայաստանին նվիրված բացառիկ ցուցահանդես
21.11.2026 | 16:37
Հրդեհ Եղվարդ քաղաքում. հրշեջ-փրկարարները կանխել են հրդեհի տարածումը դեպի հարակից բնակելի տուն
21.11.2026 | 15:35
Վաղը պաշտոնապես կազդարարենք ԹՐԻՓՓ նախագծի մեկնարկը․ Նիկոլ Փաշինյան
21.11.2026 | 15:08
Նոյեմբերի 22-ին և 25-ին Հայաստանում սպասվում են ինտենսիվ տեղումներ և ուժեղ քամի
21.11.2026 | 14:52
ՀՖՖ նախագահի պաշտոնում առաջադրվել է երկու թեկնածու
21.11.2026 | 14:07
Զելենսկի․ Ղրիմի կամուրջը չի պահպանվի, Պուտինը պետք է դա հասկանա, իսկ Ռուսաստանը պետք է զգա, թե ինչ է պատերազմը
21.11.2026 | 13:33
ՀՀ-ԵՄ վիզաների ազատականացման գործընթացն ու սահմանների կառավարման բարեփոխումները քննարկվել են ICMPD-ի փոխտնօրենի հետ
21.11.2026 | 13:06
Բուխարեստի ֆորումում քննարկվել են TRIPP-ն ու Հայաստանի առևտրի դիվերսիֆիկացման հնարավորությունները
21.11.2026 | 12:34
Աբովյանի համայնքային սեփականությանն է վերադարձվել 33 քմ հողատարածք
21.11.2026 | 12:16
NYMEX. Թանկարժեք մետաղների գները նվազել են
21.11.2026 | 11:55
Նարեկ Մկրտչյանը հանդիպել է ԱՄՆ Կոնգրեսի Ներկայացուցիչների պալատի երեք անդամների հետ
21.11.2026 | 11:42
Total Chess. Հայկ Մարտիրոսյանը հաղթել է վերջին խաղային օրը
21.11.2026 | 11:33
Նավթի գները նվազել են
21.11.2026 | 11:11
Արտարժույթների փոխարժեքները՝ նոյեմբերի 21-ի դրությամբ
Բոլորը

Թուրքիան, որի բացահայտ աջակցությամբ Ադրբեջանը բռնազավթեց Արցախը, շարունակում է աջակցել ալիևյան ցեղասպան ռեժիմին՝ իր շինծու և հայատյաց թեզերի մշակման և տարածման գործում: Այս մասին ասվում է «Գեղարդ» հիմնադրամի հայտարարության մեջ։ 

 Օրեր առաջ Թուրքիայի Ազգային մեծ ժողովի կրթության, մշակույթի, երիտասարդության և սպորտի ազգային հանձնաժողովի նախագահ Մահմուդ Օզերի գլխավորած պատվիրակությունը հանդիպել է այսպես կոչված «Արևմտյան Ադրբեջան» համայնքի ներկայացուցիչների հետ: Այդ համայնքը զբաղվում է իբր «Հայաստանից բռնագաղթված ադրբեջանցիների», պետական հովանավորությամբ հակահայկական կեղծ թեզերի մշակման և տարածման հարցերով: Հանդիպման ընթացքում նրանք խոսել են այսպես կոչված «օղուզ-թյուրքական հողերը միավորող «Արևմտյան Ադրբեջանի» մասին»: 

«Հայաստանից հեռացած ադրբեջանցիների» վերադարձի հարցը բարձրացնելով՝ Ադրբեջանն իրականում ցանկանում է տարածքային պահանջներ ներկայացնել Հայաստանի Հանրապետությանը և հակադրվել տեղահանված արցախահայության՝ իրենց բնակավայրեր վերադառնալու և ինքնորոշման իրավունքն իրացնելու արդար պահանջին:

Հանդիպման ընթացքում Մահմուդ Օզերը նշել է, որ քննարկումներ է անցկացնելու Թուրքիայի Ազգային մեծ ժողովի իր գործընկերների հետ՝ ավելի սերտորեն աջակցելու «Արևմտյան Ադրբեջան»-ի խնդրին: Այդ նպատակով նա առաջարկել է համատեղ հրատարակել հարցը ներկայացնող եռալեզու՝ ադրբեջաներեն, թուրքերեն և անգլերեն գիրք: Սա ևս մեկ անգամ վկայում է պատմական փաստերի խեղաթյուրման և այդ կեղծիքները միջազգային հանրության շրջանում տարածելու մասին:

Եթե մինչ այդ «Արևմտյան Ադրբեջան» կեղծ թեզը շրջանառվում էր հիմնականում ադրբեջանական միջավայրում, ապա այժմ այդ կեղծիքի տարածմանը ակտիվորեն աջակցում է Թուրքիան: Հայ ժողովրդի նկատմամբ այդ երկրների ցեղասպան և հանցավոր քաղաքականությունը չի դատապարտվել միջազգային կառույցների կողմից. նման անպատժելիությունը բերելու է նոր հանցագործությունների: