18.05.2026 | 23:42
«Անկախ դիտորդ»-ը պահանջում է ազատ արձակել Արթուր Օսիպյանին և պարզաբանում տալ նրա ձերբակալության հիմքերի վերաբերյալ
Ոտքերը նստարանին մեխած քաղաքացին սպառնում է կուլ տալ բերանում պահած ածելին
30.08.2018 | 15:17
Ինչպես Ավելի վաղ տեղեկացրել էինք, «911» ծառայությանն ահազանգ է ստացվել, որ անձը չպարզված քաղաքացին ոտնաթաթերը մեխել է Երևան քաղաքի Հանրապետության հրապարակում գտնվող նստարաններից մեկին:
Factor.am-ին ԱԻ նախարար Հրաչյա Ռոստոմյանի մամուլի խոսնակ Սաթենիկ Ասիլյանը հայտնեց, որ ահազանգը ստանալուց ժամեր անց՝ ոստիկանությանն ու ԱԻՆ աշխատակիցներին չի հաջողվում քաղաքացուն համոզել՝ թույլատրել իրեն բժշկական օգնություն ցուցաբերել։
«Տեղում աշխատում է հոգեբան, քաղաքացին ոտքերը մեխել ոտքի մատերի արանքից, վնասված է ոտքի մաշկը։ Արդեն մի քանի ժամ է ոստիկանությանն ու ԱԻՆ փրկարարական ջոկատին քաղաքացին չի թույլատրում իրեն օգնություն ցուցաբերել։ Ավելին՝ սպառնում է՝ եթե մոտենան իրեն կուլ կտա բերանում պահված ածելին»։
Նշենք, որ ոտքերը նստարանին մեխած քաղաքացին պահանջում է վարչապետ Նիկոլ Փաշինյանի հետ հանդիպում և բողոքում է իրեն ապօրինաբար աշխատանքից ազատելուց։
