10.06.2026 | 23:29
Հունիսի 7-ին կայացած ԱԺ ընտրությունները աննախադեպ էին. «Նոր ուժ»-ի հայտարարությունը
Արարատում ամփոփվել են օգոստոսյան մարզային քննարկումները
Հասարակություն
30.08.2018 | 12:45
Օգոստոսյան խորհրդակցությունների շրջանակում Կրթության և գիտության նախարարԱրայիկ Հարությունյանը մարզային վերջին քննարկումն անցկացրել է Արարատի մարզում. տեղեկացնում է նախարարության լրատվական վարչությունը:
Խորհրդակցության ընթացքում քննարկվել են Արարատի մարզի կրթության ոլորտիխնդիրները։ Նախարարն իր խոսքում անդրադարձել է դպրոցների ապաքաղաքականացման, համազգեստի, դրամահավաքության, միասնական ավարտական քննությունների, դասագրքերի և կրթական ծրագրերի խնդիրներին: Անդրադառնալով նախատեսվող բարեփոխումներին` նախարարը նշել է, որ գալիք ուսումնական տարվանից սկսած առաջին դասարանցիների ընդունելությունը դպրոցներում տեղի կունենա էլեկտրոնային գրանցման եղանակով, իսկ դասվարների ընտրությունը տեղի կունենա ոչ թե ծնողի ընտրությամբ, այլ վիճակահանությամբ: Նախարարի խոսքով` սա հնարավորություն կտա խուսափել դպրոցներում այսպես կոչված «էլիտար» դասարանների ձևավորումից: Նախատեսվում է էլեկտրոնային գրանցմամբ իրականացնել նաև ուսուցիչների մրցութային ընտրությունը, ինչպես նաև փոփոխություններ իրականացնել դպրոցների կառավարման խորհուրդների ձևավորման և մի շարք այլ կարգերում:
Անդրադառնալով դպրոցներում աշխատանքային տետրերի օգտագործմանը` նախարարը նշել է, որ աշխատանքային տետրեըը պարտադիր չեն և ուսուցիչն իրավունք չունի պահանջել, որ բոլորն ունենան նման տետրեր:
Դպրոցների ներկայացուցիչները բազմաթիվ հարցեր են ուղղել Արայիկ Հարությունյանին, որոնք վերաբերել են դպրոցների շենքային պայմանների բարելավմանը, ֆինանսավորման բանաձևին, կրթական ծրագրերին, ավարտական քննությունների կազմակերպմանը և այլ խնդիրների:
Խորհրդակցությանը ներկա է եղել նաև Արարատի մարզպետ Գարիկ Սարգսյանը:
Բացվել է ՀԲ վարկային ծրագրով հիմնանորոգված Արարատի ավագ դպրոցը
Մարզպետարանում տեղի ունեցած խորհրդակցությունից հետո Կրթության և գիտության նախարար Արայիկ Հարությունյանն ու մարզպետ Գարիկ Սարգսյանը մասնակցել են Համաշխարհային բանկի վարկային ծրագրով վերակառուցված Արարատի ավագ դպրոցի բացմանը: Ուսումնական տարին այս դպրոցի աշակերտները կդիմավորեն նոր շենքում,որն ապահովված է ժամանակակից կրթության համար նախատեսված բոլոր պայմաններով` լաբորատորիաներ, սպորտդահլիճ, գրադարան, նորոգված դասասենյակներ և այլն: Արարատի ավագ դպրոցը ՀԲ «Կրթության բարելավումվարկային ծրագրի» շրջանակում հիմնովին նորոգված 5 մարզային ավագ դպրոցներից մեկն է:
