01.11.2024 | 16:18
Զապորոժիեի ԱԷԿ-ում վերականգնվել է ռեակտորից ջրի արտահոսքի պատճառ դարձած ճեղքը
Ալիևը ժամանել է Անկարա՝ Էրդողանի հետ բանակցությունների
Քաղաքականություն
10.06.2024 | 15:09
Ադրբեջանի նախագահ Իլհամ Ալիևը Թուրքիայի նախագահ Ռեջեփ Թայիփ Էրդողանի հրավերով հունիսի 10-ին աշխատանքային այցով ժամանել է Անկարա։ Ադրբեջանական լրատվամիջոցները հայտնում են, որ օդանավակայանում նրան դիմավորել են Թուրքիայի փոխնախագահ Ջևդեթ Յըլմազը և այլ պաշտոնյաներ։
Թուրքական կողմի ավելի վաղ տարածած հաղորդագրության համաձայն՝ Ալիևը հանդիպելու է Էրդողանի հետ։ Թուրքիայի և Ադրբեջանի միջև երկկողմ հարաբերությունները վերանայվելու են բոլոր առումներով։ Անկարայում կայանալիք բանակցություններում քննարկվելու են այն քայլերը, որոնք կարող են ձեռնարկվել համագործակցության հետագա խորացման ուղղությամբ։
Բացի երկկողմ հարաբերություններից՝ ակնկալվում է մտքերի փոխանակում տարածաշրջանային և համաշխարհային արդիական հարցերի շուրջ։
