12.01.2025 | 00:54
Կիևյան փողոցի տներից մեկում հրդեհ է բռնկվել. դեպքի վայր է մեկնել չորս մարտական հաշվարկ
Իրանի նախագահական ընտրություններում հաստատվել է 6 թեկնածու
Քաղաքականություն
10.06.2024 | 15:26
Ավիավթարից մահացած Իրանի նախագահ Էբրահիմ Ռաիսիին փոխարինելու համար ընտրություններում հաստատվել է վեց թեկնածու, գրում է DW-ի ռուսական ծառայությունը։
Իսլամական Հանրապետության նախընտրական շտաբի ներկայացուցիչը հայտնել է, որ ի թիվս այլ թեկնածուների՝ նախագահի պաշտոնի մրցավազքին կմասնակցի նաև խորհրդարանի խոսնակ, Իսլամական հեղափոխության պահապանների կորպուսի նախկին հրամանատար Մոհամմադ Բաղեր Ղալիբաֆը, ինչպես նաև Իրանի հոգևոր առաջնորդ այաթոլլա Ալի Խամենեի գրասենյակի նախկին ղեկավար, միջուկային բանակցություններում Թեհրանի գլխավոր ներկայացուցիչ Սաիդ Ջալիլին։ Այս երկու քաղաքական գործիչները համարվում են պահպանողականների ճամբարից։
Իսլամական հոգևորականներից և իրավաբաններից բաղկացած Իրանի Սահմանադրության պահապանների 12 հոգանոց խորհուրդը հաստատել է նաև Թեհրանի քաղաքապետ, պահպանողական Ալիռեզա Զաքանիի, Մեջլիսի անդամ Մասուդ Փեզեշկիանի, ներքին գործերի նախկին նախարար Մուստաֆա Փուրմոհամմադիի և փոխնախագահ Ամիր-Հոսեյն Ղազիզադե Հաշեմիի թեկնածությունները:
