20.04.2026 | 14:31
Երևանում մեկնարկել է Plug and Play-ի ստարտափների աջակցության ծրագրի երրորդ փուլը
Գալստանյանը մտածում է՝ ՌԴ ռազմաբազան Գյումրիից գա Բաղրամյան պողոտա՞, ո՞րն է Մոսկվայի ադեկվատ արձագանքը․ Էմիլ Օրդուխանյան․ ՏԵՍԱՆՅՈՒԹ
Քաղաքականություն
10.06.2024 | 13:30
Բագրատ Գալստանյանի գլխավորած ընդդիմադիր շարժումը երեկ ԱԺ-ին հարող տարածքում՝ Բաղրամյան-Դեմիրճյան հատվածում վրաններ տեղադրեց։ Նա դիմեց Ազգային ժողովի խմբակցությունններին, որպեսզի ընդդիմադիրները հունիսի 11-ին ժամը 16:30-ին նիստ նախաձեռնեն Կառավարության հրաժարականի և նոր կառավարության ձևավորման օրակարգով: «Մեր պահանջը մնում է հրաժարականը՝ չբացառելով քաղաքական լուծումների մնացած տարբերակները», – ասաց Բագրատ արքեպիսկոպոս Գալստանյանը` չմանրամասնելով, սակայն, թե կոնկրետ ինչ քաղաքական լուծումներ նկատի ունի։ Օրվա ընթացքում ԱԺ-ի խորհուրդը մերժեց ընդդիմության դիմումը։ Միաժամանակ, Բագրատ Գալստանյանը եռալեզու դիմել է արտաքին ուժերին, իսկ մասնավորապես ռուսերենով նա ասել է․ «Մենք պահանջում են իշխանության հրաժարականը։ Մենք չենք խաթարելու դաշնակցային հարաբերությունները։ Սպասում ենք մեր գործընկերների ադեկվատ արձագանքը՝ տեղի ունեցող գործընթացներին»։
Քաղաքագետ Էմիլ Օրդուխանյանը, Factor TV-ի հետ զրույցում գնահատելով այս հայտարարությունը՝ նշեց, որ ոչ օրինական տարրեր է տեսնում այս խոսքի մեջ․
«Բագրատ Գալստանյանը ՌԴ-ին դիմեց, ինչը սահմանադրական կարգի տապալման փորձ է։ Ռուսաստանը Հայաստանի ներքին գործերին միջամտի՞, ինչի՞ համար։ Գալստանյանը մտածում է՝ Ռուսաստանի ռազմաբազան Գյումրիից գա Բաղրամյան պողոտա՞, ո՞րն է Մոսկվայի ադեկվատ արձագանքը, որ ինքը ասում է։ Ի՞նչ է սա նշանակում։ Հայաստանի իշխանության հարցը լուծում են ՀՀ քաղաքացիները, ոչ թե հյուսիսը»,- նշեց Օրդուխանյանը։
Հարցազրույցն ամբողջությամբ՝ տեսանյութում։
Ռոբերտ Անանյան
