Կառավարությունը փոխեց «Էրեբունի-Երևան» տոնական միջոցառումների անցկացման օրերը․ ՏԵՍԱՆՅՈՒԹ

Կառավարության այսօրվա նիստում փոփոխություն կատարվեց 2018 թվականի մարտի 29-ի «2018 թվականի սեպտեմբերի 29-ին և 30-ին Երևանի օրը նշելու և Երևանի հիմնադրման 2800-ամյակին նվիրված «Էրեբունի-Երևան» տոնական միջոցառումների մասին որոշման վերնագրում և 1-ին կետում «սեպտեմբերի 29-ին և 30-ին» բառերը փոխարինել «հոկտեմբերի 20-ին և 21-ին» բառերով։

Հարցի զեկուցող Տարածքային կառավարման և զարգացման նախարար Սուրեն Պապիկյանը նշեց․ «Հաշվի առնելով, որ ՀՀ կառավարության նախորդ որոշման ընդունման պահին ստույգ հայտնի չէին, թե հոկտեմբեր ամսվա որ օրերին Հայաստանի Հանրապետությունում պետք է կայանա Ֆրանկոֆոն պետությունների և կառավարությունների ղեկավարների 17-րդ գագաթնաժողովը, և, որ այս տարի մեծ շուքով նշվելու է Երևանի հիմնադրման հոբելյանական 2800 ամյակը, որին կմասնակցեն բազմաթիվ հյուրեր այլ երկրներից, այդ թվում՝ Երևանի քույր քաղաքներից, սփյուռքահայերից,  Երևանի օրվան նվիրված միջոցառումները նախատեսվել է իրականացնել 2 օր՝  սեպտեմբերի 29-ին և 30-ին»:

Ըստ նախարարի՝ հաշվի առնելով  նաև 2018 թվականի հոկտեմբերի 7-ից 12-ըկայանալիք Ֆրանկոֆոն պետությունների և կառավարությունների ղեկավարների 17-րդ գագաթնաժողովի կապակցությամբ իրականացվող միջոցառումների ծավալը, դրանց պատշաճ իրականացնելու անհրաժեշտությունը և պահանջվող ժամանակը, առաջարկվում է Երևանի օրը նշել ոչ թե 2018թ. սեպտեմբերի 29-ին և 30-ին՝ գագաթնաժողովի կայանալուց առաջ, այլ դրանից հետո՝ 2018 թվականի հոկտեմբերի 20-ին և 21-ին:

Մանրամասները՝ տեսանյութում։