22.05.2026 | 23:50
Անդրանիկ Թևանյանի նկատմամբ հարուցվել է քրեական հետապնդում պետական դավաճանության հանցակազմի հատկանիշներով
«Սասնա ծռեր» կուսակցության հիմնադիր համագումարը կկայանա սեպտեմբերի 29-ին
Քաղաքականություն
30.08.2018 | 10:56
«Սասնա Ծռեր» կուսակցության ստեղծման ընդլայնված նախաձեռնող խումբը հաղորդագրություն է տարածել, որը ներկայացնում ենք ստորև.
«Սասնա Ծռեր» կուսակցության ստեղծման ընդլայնված նախաձեռնող խումբը, նպատակ ունենալով կազմակերպելու Կուսակցության՝ 2018 թ. սեպտեմբերի 29-ին կայանալիք հիմնադիր համագումարը, 2018 թ. օգոստոսի 29-ին իր գրասենյակում /Ալեք Մանուկյան 5/5, մուտքը՝ Սայաթ Նովա պողոտայի կողմից/ հրավիրված անդրանիկ նիստում որոշեց Նախաձեռնող խմբի կառուցվածքը և գործառույթները, Նախաձեռնող խմբի անդամների առաջին հանձնառությունները համագումարի կազմակերպման և Կուսակցության նոր անդամների ներգրավման վերաբերյալ:
Նախաձեռնող խմբի անդամները նաև մտքեր փոխանակեցին Կուսակցության ծրագրի և կանոնադրության նախագծերի հիմնական դրույթների բովանդակության մասին:
«Սասնա Ծռեր» կուսակցության ստեղծման նախաձեռնող խումբը, հիմք ընդունելով իր որոշումները, Հայաստանում և արտերկրրւմ բնակվող ՀՀ քաղաքացիներին կոչ է անում ակտիվորեն անդամագրվել «Սասնա Ծռեր»կուսակցությանը, այդ նպատակով նախապես գրանցվելով հետևյալ հղումով
կամ այցելելով Նախաձեռնող խմբի գրասենյակ:
Նախաձեռնող խմբի հաջորդ նիստը տեղի կունենա 2018 թ. սեպտեմբերի 5-ին, ժամը 18:30-ին, իր գրասենյակում:
Սասնա Ծռեր կուսակցության ստեղծման
ընդլայնված նախաձեռնող խմբի անդամներ
|
|
