15.12.2025 | 15:31
Արարատի մարզի որոշ շրջաններում 24 ժամ ջուր չի լինի
Ըստ նախնական պայմանավորվածության՝ վրացական երկաթուղին փոխադրումների գինը չի բարձրացնի. «Ժամանակ»
30.08.2018 | 10:06
«Ժամանակ» թերթը գրում է.
Ինչպես արդեն տեղեկացրել ենք, Վրաստանի կառավարության որոշմամբ՝ սեպտեմբերի 15-ից արգելվելու է ցամաքային ճանապարհով Հայաստան ցորենի ներկրումը։ Ներկրող ընկերություններն արդեն զգուշացվել են, որ այլևս չեն կարող անցնել Վրաստանի տարածքով, այսինքն՝ Լարսով բեռներ տեղափոխել։ Փոխադրումները պետք է իրականացվեն միայն Փոթիի նավահանգստով։ ԱԺ-ում խնդրին անդրադարձել է նաև հայ-վրացական բարեկամության խմբի անդամ, ԱԺ պատգամավոր Էդմոն Մարուքյանը:
ՀՀ տրանսպորտի, կապի և տեղեկատվական տեխնոլոգիաների փոխնախարար Արմեն Փամբուխչյանը «Ժամանակ»-ի հետ զրույցում ասաց, որ ներկայումս բանակցություններ են վարվում երկու երկրների երկաթուղիների միջև, և ըստ նախնական պայմանավորվածության՝ վրացական երկաթուղին մեր փոխադրողների համար կկիրառի զեղչային համակարգ, ինչի արդյունքում ակնկալվում է, որ փոխադրումների գինը չի բարձրանա»։
Առավել մանրամասն՝ թերթի այսօրվա համարում:
