20.04.2026 | 11:39
Ալիևը խոսել է Հայաստանի ու Ադրբեջանի միջև խաղաղության արդյունքներից և «Զանգեզուրի միջանցքից»
ՀՀ դեմ լուրջ սպառնալիք է ռեգիոնում Արևմուտքի դեմ կոալիցիայի ստեղծումը․ պիտի շտապենք, որ թակարդում չմնանք․ Արմինե Մարգարյան․ ՏԵՍԱՆՅՈՒԹ
Քաղաքականություն
06.06.2024 | 20:30
«Հայաստանը պետք է ամբողջապես ներդնի և կիրարկի համապարփակ անվտանգության, դիմակայության կոնցեպտը, որը կպատասխանի մեր պետության դեմ առկա սպառնալիքներին»,- Factor TV-ի հետ զրույցում ասում է «Կանայք և գլոբալ անվտանգության ճարտարապետությունը» մտակենտրոնի հիմնադիր, ռազմաքաղաքական հարցերով փորձագետ Արմինե Մարգարյանը։ Նրա ղեկավարած կազմակերպությունն այսօր գիտաժողով էր կազմակերպել, որին մասնակցում էին եվրոպական երկրների դեսպաններ, տեղացի և արտասահմանցի փորձագետներ, ԶՈՒ ներկայացուցիչ։
Արմինե Մարգարյանը նշում է, որ Ֆինլանդիայի և Շվեդիայի՝ տասնամյակներով որդեգրած ոչ-բլոկային պետության կարգավիճակը, ինչպես նաև՝ համապարփակ անվտանգության համակարգը կիրառելի է նաև Հայաստանի համար, որը, ըստ փորձագետի, հնարավորություն կտա վերափոխել անվտանգային համակարգը։ Ըստ նրա՝ Արևմտյան գործընկերների հետ գործակցությունը շանս կտա Հայաստանին՝ առավել որակյալ բարեփոխումներ իրականացնելու։ Արմինե Մարգարյանը, սակայն, ռիսկեր է տեսնում․
«Հաշվի առնելով ռեգիոնում հակաարևմտյան բլոկի ստեղծման տենդենցը՝ չեմ կարծում, թե Հայաստանը պետք է հրաժարվի Արևմուտքի հետ անվտանգային գործակցությունից։ Բայց այստեղ կան աշխարհաքաղաքական ռիսկեր, որոնք մեր կողմից բացարձակ կառավարելի չեն։ Այս պահին աշխարհաքաղաքական իրավիճակը բարենպաստ է մեզ համար՝ վարելու այն քաղաքականությունը, որ հիմա առկա է։ Չենք կարող ասել, թե ԱՄՆ-ում նախագահի ընտրությունը և Ուկրաինայում պատերազմն ինչպիսի լուծում կստանան։ Ինչ էլ լինի՝ ավարտ չի լինելու, այլ՝ պրոցեսի սկիզբ, և կարևոր է, որ մեզ համար դրական լինի այդ պրոցեսի սկզիբը։ Իհարկե, հրաժարվել չի կարելի արևմուտքի հետ գործակցությունից, սակայն կարծում եմ, որ մենք պետք է շտապենք, որ ծուղակում չմնանք»,- նշեց Մարգարյանը։
Հարցազրույցն ամբողջությամբ՝ տեսանյութում։
Ռոբերտ Անանյան
