09.09.2026 | 20:19
«Առգրավումներն իրականացվել են կամայականորեն՝ շոուի նպատակով». Գագիկ Խաչատրյանի պաշտպանական կողմը՝ ՔԿ-ի գործողությունների մասին
Ձնահոսքի պատճառով Վերին Լարսը փակ է, բեռնատարների կուտակումներ են․ ՌԴ-ում ՀՀ դեսպանատան մաքսային կցորդ
06.06.2024 | 12:45
Խաչի լեռնանցքի հատվածում ձնահոսքի պատճառով բոլոր տեսակի տրանսպորտային միջոցների համար դեպի Վերին Լարս տանող ճանապարհը երկու ուղղություններով փակվել է, այս մասին Factor.am-ին տեղեկացրեց ՌԴ-ում ՀՀ դեսպանատան մաքսային կցորդ Վահան Հակոբյանը:
Նրա փոխանցմամբ՝ վրացական կողմը ձնամաքրման աշխատանքներ է իրականացնում։ Վահան Հակոբյանը հույս հայտնեց, որ ճանապարհը մինչև երեկո կբացվի։
ՌԴ-ում ՀՀ դեսպանատան մաքսային կցորդը նաև տեղեկացրեց, որ այս պահին ճանապարհին կա բեռնատարների կուտակում։
«Հայաստանի տարածքից դեպի Վերին Լարս գնացող շուրջ 300 բեռնատար կա, որոնց մի մասը հասել է Լարս, մյուսներն էլ սպասում են ճանապարհի բացվելուն, հակառակ ուղղությամբ էլ նույն քանակությունն ունենք»,- մանրամասնեց նա։
Մանյա Պողոսյան
