15.05.2026 | 23:20
Հուլիսի 1-ից Երևան-Բուխարեստ նոր ուղիղ չվերթ կմեկնարկի
Մոսկվան պատրաստ է Երևանին ու Բաքվին խորհրդատվական օգնություն ցուցաբերել սահմանազատման գործընթացում․ Ադրբեջանում ՌԴ դեսպան
06.06.2024 | 11:28
Ռուսաստանը պատրաստ է անհրաժեշտության դեպքում խորհրդատվական օգնություն ցուցաբերել Ադրբեջանին և Հայաստանին պետական սահմանի սահմանազատման և սահմանագծման գործընթացում։ Այս մասին հայտարարել է Ադրբեջանում ՌԴ դեսպան Միխայիլ Եվդոկիմովը Բաքվում լույս տեսնող ռուսալեզու «Утро» ամսագրի հետ զրույցում, գրում է ՏԱՍՍ-ը։
«Մենք աջակցում ենք Ադրբեջանի ու Հայաստանի միջև սկսված պետական սահմանի սահմազատման ու սահմանագծման գործընթացին։ Ելնում ենք նրանից, որ դա պետք է կրի կայուն, հավասարակշռված ու փոխընդունելի բնույթ։ Պատրաստ ենք անհրաժեշտության դեպքում կողմերին խորհրդադատվական օգնություն ցուցաբերել»,- ասել է դեսպանը։
Նա նաև ընդգծել է, որ ռուսական կողմը ողջունում է Բաքվի և Երևանի միջև հարաբերությունների կարգավորման ներկա գործընթացը, այդ թվում՝ մայիսի 10-ին և 11-ին Ալմաթիում խաղաղության պայմանագրի շուրջ երկու երկրների արտգործնախարարների բանակցությունները։
«Դա ևս մեկ քայլ է Հարավային Կովկասում կայուն խաղաղության և բարգավաճման հասնելու համար»,- նշել է Եվդոկիմովը։
Խոսելով Հայաստանի ու Ադրբեջանի միջև խաղաղության պայմանագրի ստորագրման հեռանկարներից՝ նա նշել է, որ դա կախված կլինի Բաքվի ու Երևանի քաղաքական կամքից։
«Հուսով եմ, որ դա տեղի կունենա շուտով»,- հայտարարել է ՌԴ դեսպանը։
